ಶಾದಿ ಡಾಟ್​ ಕಾಂ ನಿಂದ ಚಿನ್ನ ಕಳೆದುಕೊಂಡ ಮಹಿಳೆ...ಏನಿದು ಸ್ಟೋರಿ

ಶಾದಿ ಡಾಟ್ ಕಾಂ ನಲ್ಲಿ ಹೆಸರು ನೋಂದಾಯಿಸಿಕೊಂಡಿದ್ದ ವಿಧವೆಯನ್ನು ವಿವಾಹವಾಗುವುದಾಗಿ ನಂಬಿಸಿ ವ್ಯಕ್ತಿಯೋರ್ವನು ಚಿನ್ನದ ಸರವನ್ನು ತೆಗೆದುಕೊಂಡು ಪರಾರಿಯಾಗಿರುವ ಘಟನೆ ನಗರದಲ್ಲಿ ನಡೆದಿದೆ.

ಮೈಸೂರು:ಶಾದಿ ಡಾಟ್ ಕಾಂ ನಲ್ಲಿ ಹೆಸರು ನೊಂದಾಯಿಸಿಕೊಂಡಿದ್ದ ವಿಧವೆಯನ್ನು ವಿವಾಹವಾಗುವುದಾಗಿ ನಂಬಿಸಿ ವ್ಯಕ್ತಿಯೋರ್ವನು ಚಿನ್ನದ ಸರವನ್ನು ತೆಗೆದುಕೊಂಡು ಪರಾರಿಯಾಗಿರುವ ಘಟನೆ ನಗರದಲ್ಲಿ ನಡೆದಿದೆ.

ನಳಿನಿ ಎಂಬ ಮಹಿಳೆ ಶಾದಿ ಡಾಟ್ ಕಾಂನಲ್ಲಿ ತಮ್ಮ ಹೆಸರು ನೋಂದಾಯಿಸಿಕೊಂಡಿದ್ದರು. ಇವರ ವಿವರ ನೋಡಿದ ಚೆನ್ನೈ ಮೂಲದ ವಿನೀತ್ ರಾಜ್ ಆನ್​ಲೈನ್​ ಮೂಲಕ ಸಂಪರ್ಕಿಸಿ ಮದುವೆಯ ಪ್ರಸ್ತಾಪ ಮುಂದಿಟ್ಟಿದ್ದನು. ಬಳಿಕ ನಗರಕ್ಕೆ ಆಗಮಿಸಿದ ವಿನೀತ್​ ಚಾಮುಂಡಿಬೆಟ್ಟದಲ್ಲಿ ಮದುವೆ ಮಾತುಕತೆ ನಡೆಸಿದ್ದನು.

ಬಳಿಕ ರೆಸ್ಟೋರೆಂಟ್​ವೊಂದಕ್ಕೆ ಕರೆದೊಯ್ದು ದೋಷ ಸರಿಪಡಿಸಬೇಕು. ನಿಮ್ಮ ಚಿನ್ನದ ಸರ ನನಗೆ ಕೊಡಿ, ನನ್ನ ಚಿನ್ನದ ಸರವನ್ನು ನೀಡುತ್ತೇನೆ ಎಂದು ಹೇಳಿ ನಂತರ ರೆಸ್ಟ್ ರೂಂಗೆ ಹೋಗಿ ಬರುವುದರೊಳಗೆ ಈಕೆಯ 30 ಗ್ರಾಂ ತೂಕದ ಚಿನ್ನದ ಸರ ತೆಗೆದುಕೊಂಡು ಪರಾರಿಯಾಗಿದ್ದಾನೆ.

ಈ ಸಂಬಂಧ ಕೆ.ಆರ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.