ಹತ್ತಿರ ಬಂದೇ ಬಿಡ್ತು ದಸರಾ: ವಾರದೊಳಗೆ ದಸರಾ ಗಜಪಡೆ ಪಟ್ಟಿ ಫೈನಲ್..!

ಕೇವಲ ಒಂದು ವಾರದೊಳಗೆ ದಸರಾದಲ್ಲಿ ಭಾಗಿಯಾಗುವ ಆನೆಗಳ ಪಟ್ಟಿ ಸಿದ್ದವಾಗುತ್ತದೆ. ಮೈಸೂರು, ಚಾಮರಾಜನಗರ, ಕೊಡಗು ಜಿಲ್ಲೆಗಳಲ್ಲಿರುವ ಆನೆ ಶಿಬಿರಗಳಲ್ಲಿ ದಸರಾ ಗಜಪಡೆ ಆನೆಗಳ ಆರೋಗ್ಯ ತಪಾಸಣೆ ಮಾಡಲಾಗಿದೆ‌ ಎಂದು ಡಿಸಿಎಫ್ (ಅರಣ್ಯ ಉಪ ಸಂರಕ್ಷಣಾಧಿಕಾರಿ)​ ಅಲೆಗ್ಸಾಂಡರ್​ ತಿಳಿಸಿದರು.

ಮೈಸೂರು :ದಸರಾ ಸಮೀಪಿಸುತ್ತಿದ್ದಂತೆ ಆನೆಗಳ ತಯಾರಿ ಮತ್ತು ಅಂಬಾರಿ ಹೊರುವ ಆನೆಗಳ ಪಳಗಿಸುವ ಕಾರ್ಯ ಜೋರಾಗಿದೆ. ಇನ್ನು ಕೇವಲ ಒಂದು ವಾರದೊಳಗೆ ದಸರಾದಲ್ಲಿ ಭಾಗಿಯಾಗುವ ಆನೆಗಳ ಪಟ್ಟಿ ಸಿದ್ದವಾಗುತ್ತದೆ ಎಂದು ಡಿಸಿಎಫ್ (ಅರಣ್ಯ ಉಪಸಂರಕ್ಷಣಾಧಿಕಾರಿ)​ ಅಲೆಗ್ಸಾಂಡರ್​ ತಿಳಿಸಿದರು.

ಮಾಧ್ಯಮಗಳೊಂದಿಗೆ ಮಾತನಾಡಿದ ಅವರು, ಮೈಸೂರು, ಚಾಮರಾಜನಗರ, ಕೊಡಗು ಜಿಲ್ಲೆಗಳಲ್ಲಿರುವ ಆನೆ ಶಿಬಿರಗಳಲ್ಲಿ ದಸರಾ ಗಜಪಡೆ, ಆನೆಗಳ ಆರೋಗ್ಯ ತಪಾಸಣೆ ಮಾಡಲಾಗಿದೆ‌. ಆನೆಗಳ ಹಾವಭಾವದ ಬಗ್ಗೆ ಪಶು ವೈದ್ಯರು ಈಗಾಗಲೇ ವರದಿ ನೀಡಿದ್ದಾರೆ. ಈ ಆನೆಗಳ ಪಟ್ಟಿಯನ್ನು ಉನ್ನತ ಅಧಿಕಾರಿಗಳಿಗೆ ಕಳುಹಿಸಲಾಗುವುದು ಎಂದರು.

ಬೆಂಗಳೂರಿನಲ್ಲಿ ಉನ್ನತ ಅಧಿಕಾರಿಗಳು ಯಾವಾಗ ಗಜಪಯಣಕ್ಕೆ ದಿನಾಂಕ ತಿಳಿಸುತ್ತಾರೋ. ನಂತರ ಗಜಪಯಣಕ್ಕೆ ಆನೆಗಳನ್ನು ರೆಡಿ ಮಾಡಲಾಗುವುದು ಎಂದು ಹೇಳಿದರು.

ನನಗೆ ಈ ಬಾರಿಯ ದಸರಾದಲ್ಲಿ ಅಧಿಕಾರಿಯಾಗಿ ಭಾಗಿಯಾಗುತ್ತಿರುವುದು ಸಂತಸ ತಂದಿದೆ. ಕರ್ನಾಟಕದಲ್ಲಿ ಹಲವಾರು ಅಧಿಕಾರಿಗಳು ಇದ್ದಾರೆ. ಆದ್ರೆ ಅಧಿಕಾರಿಯಾಗಿ ದಸರಾದಲ್ಲಿ ಭಾಗಿಯಾಗುವ ಭಾಗ್ಯ ಕೆಲವರಿಗೆ ಮಾತ್ರ ಲಭಿಸುತ್ತದೆ ಎಂದು ಅಲೆಗ್ಸಾಂಡರ್​ ತಿಳಿಸಿದರು.