ಕಬಿನಿ ಡ್ಯಾಂ ತುಂಬಿದಾಗ ಕ್ರಸ್ಟ್​ಗೇಟ್​ ರಿಪೇರಿ ಮಾಡುವ ವಿಡಿಯೋ ವೈರಲ್..

ತುಂಬಿರುವ ಕಬಿನಿ ಡ್ಯಾಂನ ಕ್ರಸ್ಟ್​ಗೇಟ್ ಒಂದನ್ನು ಸಿಬ್ಬಂದಿಯೊಬ್ಬರು ಸಂಜೆ ವೇಳೆ ರಿಪೇರಿ ಮಾಡುತ್ತಿರುವ ವಿಡಿಯೋ ಈಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

ಮೈಸೂರು:ತುಂಬಿರುವ ಕಬಿನಿ ಡ್ಯಾಂನ ಕ್ರಸ್ಟ್​ಗೇಟ್ ಒಂದನ್ನು ಸಿಬ್ಬಂದಿಯೊಬ್ಬರು ಸಂಜೆ ವೇಳೆ ರಿಪೇರಿ ಮಾಡುತ್ತಿರುವ ವಿಡಿಯೋ ಈಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

ಜಿಲ್ಲೆಯ ಹೆಚ್ ಡಿ ಕೋಟೆ ತಾಲೂಕಿನ ಬೀಚನಹಳ್ಳಿ ಬಳಿ ಇರುವ ಕಬಿನಿ ಡ್ಯಾಂ ನೀರಿನ ಸಾಮರ್ಥ್ಯ 84 ಅಡಿ ಇದ್ದು, ಈಗ ಜಲಾಶಯ ಸಂಪೂರ್ಣ ತುಂಬಿದೆ. ಜಲಾಶಯದ 4 ಕ್ರಸ್ಟ್‌ಗೇಟ್‌ಗಳಲ್ಲಿ, 1 ಕ್ರಸ್ಟ್‌ ಗೇಟ್​ನ ಕೇಬಲ್ ಕಟ್ಟಾದ ಕಾರಣ ಕೆಲಸ ಮಾಡದೆ ಜಾಮ್ ಆಗಿದೆ. ಮೊನ್ನೆಯಷ್ಟೇ ಕ್ರಸ್ಟ್‌ ಗೇಟ್ ಎತ್ತಲು ಹೋದಾಗ ಈ ವಿಚಾರ ಅಧಿಕಾರಿಗಳಿಗೆ ಗೊತ್ತಾಗಿದೆ.

ಈಗಾಗಲೇ 3 ಗೇಟ್​ಗಳ ಮೂಲಕ 1 ಲಕ್ಷಕ್ಕಿಂತ ಅಧಿಕ ಕ್ಯೂಸೆಕ್ ನೀರನ್ನು ನದಿಗೆ ಬಿಡಲಾಗಿದೆ. ಈ ಮಧ್ಯೆ ಹಿರಿಯ ಅಧಿಕಾರಿಗಳು ಒಬ್ಬ ಸಿಬ್ಬಂದಿಯನ್ನು ಕಳೆದ ಎರಡು ದಿನಗಳ ಹಿಂದೆ ಕ್ರಸ್ಟ್‌ ಗೇಟ್ ರಿಪೇರಿ ಮಾಡಿಸಲು ಕಳಿಸಿರುವುದು ಈಗ ಚರ್ಚೆಗೆ ಗ್ರಾಸವಾಗಿದೆ. ಅದರಲ್ಲೂ ಸಂಜೆಯ ಸಮಯದಲ್ಲಿ ಕ್ರಸ್ಟ್​ ಗೇಟ್​ ರಿಪೇರಿ ಮಾಡುತ್ತಿರುವ ಸೋಶಿಯಲ್‌ ಮೀಡಿಯಾದಲ್ಲಿ ಚರ್ಚೆಗೆ ಕಾರಣ.