ಮೈಸೂರು: ನಗರದಲ್ಲಿ 20,000ಕ್ಕೂ ಅಧಿಕ ಅಕ್ರಮ ನೀರು ನಲ್ಲಿಗಳ ಸಂಪರ್ಕ ಇದೆ. ಅವುಗಳ ಕಡಿವಾಣಕ್ಕೆ 2 ತಂಡ ರಚನೆ ಮಾಡುತ್ತಿದ್ದೇವೆ ಎಂದು ಮೈಸೂರು ಮಹಾನಗರ ಪಾಲಿಕೆ ಆಯುಕ್ತ ಗುರುದತ್ ಹೆಗಡೆ ಹೇಳಿದರು.
ಅಕ್ರಮ ನೀರಿನ ಸಂಪರ್ಕ ಪತ್ತೆಗೆ 2 ತಂಡ ರಚನೆ: ಸಕ್ರಮಕ್ಕೆ ಕ್ರಮ - ಮೈಸೂರಿನಲ್ಲಿ ಅಕ್ರಮ ನೀರಿನ ಸಂಪರ್ಕ
ಅಕ್ರಮ ಸಂಪರ್ಕಗಳನ್ನು ಪತ್ತೆ ಹಚ್ಚಿ ಅವುಗಳ ಸಂಪರ್ಕ ಕಡಿತಗೊಳಿಸುತ್ತೇವೆ. ಇಲ್ಲದಿದ್ದರೆ ಅವರಿಗೆ ದಂಡ ವಿಧಿಸುತ್ತೇವೆ. ಜೊತೆಗೆ ಅಕ್ರಮವನ್ನು ಸಕ್ರಮಗೊಳಿಸಲು ಮನವಿ ಮಾಡುತ್ತೇವೆ ಎಂದು ಆಯುಕ್ತ ಗುರುದತ್ ಹೆಗಡೆ ವಿವರಿಸಿದ್ದಾರೆ.
ಅಕ್ರಮ ನೀರಿನ ಸಂಪರ್ಕ
ರಾಜ್ಯದಲ್ಲಿ ವೇಗವಾಗಿ ಬೆಳೆಯುತ್ತಿರುವ ನಗರಗಳಲ್ಲಿ ಒಂದಾದ ಮೈಸೂರು 18 ಲಕ್ಷಕ್ಕೂ ಅಧಿಕ ಜನಸಂಖ್ಯೆ ಹೊಂದಿದೆ. ಈ ಜನಸಂಖ್ಯೆಗೆ ಅನುಗುಣವಾಗಿ ನೀರಿನ ವ್ಯವಸ್ಥೆ ಮಾಡಲು ಸಾಧ್ಯವಾಗುತ್ತಿಲ್ಲ. ಬಡಾವಣೆಗಳಲ್ಲಿ ಅನಧಿಕೃತವಾಗಿ ಸಂಪರ್ಕಗಳನ್ನು ಹೊಂದಿರುವುದೇ ಅದಕ್ಕೆ ಕಾರಣ ಎಂದರು.
ಮೈಸೂರು ಮಹಾನಗರ ಪಾಲಿಕೆ ಆಯುಕ್ತ ಗುರುದತ್ ಹೆಗಡೆ
ನಗರದಲ್ಲಿ 1.40 ಸಾವಿರ ರೆಗ್ಯೂಲರ್ ಸಂಪರ್ಕಗಳಿದ್ದು, 20,000-22,000 ಅಕ್ರಮ ನೀರಿನ ಸಂಪರ್ಕಗಳಿವೆ. ಅವುಗಳ ಪತ್ತೆಗೆ 2 ಈಸ್ಟ್ ಮತ್ತು ವೆಸ್ಟ್ ತಂಡಗಳಾಗಿ (ಸ್ಕ್ವಾಡ್ ತಂಡ) ರಚಿಸಿ ಕಾರ್ಯಾಚರಣೆ ನಡೆಸಲು ಕ್ರಮ ಕೈಗೊಂಡಿದ್ದೇವೆ ಎಂದು ಹೇಳಿದರು.