ಸಫಾರಿ‌ ವಾಹನ ಇದ್ದರೂ ಹೆದರದೇ ಆರಾಮಾಗಿ ಹುಲಿ ಓಡಾಟ: ವಿಡಿಯೋ

ಕಬಿನಿ ಹಿನ್ನೀರಿನ ದಮ್ಮನಕಟ್ಟೆ ಸಫಾರಿ ವಾಹನದ ಮುಂದೆಯೇ ಹುಲಿಯೊಂದು ನಡೆದುಕೊಂಡು ಹೋಗಿದ್ದು, ಅದನ್ನು ಕಂಡು ಪ್ರವಾಸಿಗರು ಫುಲ್​ ಖುಷಿಯಾಗಿದ್ದಾರೆ.

ಮೈಸೂರು:ಕಬಿನಿ ಹಿನ್ನೀರಿನ ದಮ್ಮನಕಟ್ಟೆ ಸಫಾರಿ ವಾಹನಕ್ಕೆ ಹುಲಿಯೊಂದು ಹೆದರದೇ ಆರಾಮಾಗಿ ಹೊಂಡದ ಬಳಿ ಓಡಾಡುತ್ತಿರುವ ದೃಶ್ಯ ಕಂಡು ಸಫಾರಿಗೆ ಹೋದ ಜನರು ಸಂತಸಗೊಂಡಿದ್ದಾರೆ.

ಪ್ರಪಂಚದಲ್ಲೇ ಅತಿ‌ಹೆಚ್ಚು ಹುಲಿ ಸಾಂದ್ರತೆ ಹೊಂದಿರುವ ಪ್ರದೇಶ ಎಂಬ ಖ್ಯಾತಿ ಪಡೆದಿರುವ ಬಂಡೀಪುರ ಹಾಗೂ ನಾಗರಹೊಳೆ ಹುಲಿ ಸಂರಕ್ಷಿತ ಪ್ರದೇಶದಲ್ಲಿ ಕಳೆದ ಎರಡು ವರ್ಷಗಳಿಂದ ಹುಲಿಗಳ ಸಂಖ್ಯೆ ಹೆಚ್ಚಾಗಿದ್ದು, ಈ ಹುಲಿಗಳನ್ನು ‌ನೋಡಲು ದೇಶದ ನಾನಾ ಕಡೆಯಿಂದ ಜನರು ಬರುತ್ತಾರೆ. ಅದರಂತೆ ಪ್ರತಿಯೊಬ್ಬರಿಗೂ ಸಫಾರಿಯಲ್ಲಿ ಹುಲಿಯ ದರ್ಶನ ಆಗುತ್ತಿರುವುದು ಸಾಮಾನ್ಯವಾಗಿದೆ.

ಕಬಿನಿ ಹಿನ್ನೀರಿನ ದಮ್ಮನಕಟ್ಟೆ ಸಫಾರಿ ಕೇಂದ್ರದಿಂದ ಹೊರಟ ಎರಡು ವಾಹನಗಳಿಗೆ ಹುಲಿಯೊಂದು ದರ್ಶನ ನೀಡಿದ್ದು, ಈ ಸಫಾರಿ ವಾಹನಗಳನ್ನು ಕಂಡರು ಹೆದರದ ಹುಲಿ ಹೊಂಡದ ಬಳಿ ನಡೆದುಕೊಂಡು ಹೋಗಿ ಪುನಃ ಸಫಾರಿ ವಾಹನಗಳು ಹೋಗುವ ರಸ್ತೆಯಲ್ಲೇ ಬಂದು ನಿಂತಿದೆ.‌ಈ ದೃಶ್ಯವನ್ನು ಸಫಾರಿಗೆ ಬಂದವರು ತಮ್ಮ ಕ್ಯಾಮರಾದಲ್ಲಿ ಸೆರೆ ಹಿಡಿದು ಸಾಮಾಜಿಕ‌ ಜಾಲತಾಣಗಳಲ್ಲಿ ಹಂಚಿಕೊಂಡಿದ್ದಾರೆ.

ಇದನ್ನೂ ಓದಿ:ಕೋವ್ಯಾಕ್ಸಿನ್‌ ತುರ್ತು ಬಳಕೆಗೆ ವಿಶ್ವ ಆರೋಗ್ಯ ಸಂಸ್ಥೆ ಅನುಮೋದನೆ