Mysore.. ಮಳೆ ಗಾಳಿಗೆ ಉರುಳಿ ಬಿದ್ದ ಮರ : ಎರಡು ಕಾರು ಜಖಂ

ಕಾರುಗಳನ್ನು ಮರದ ಕೆಳಗೆ ನಿಲ್ಲಿಸಿ, ಚಾಲಕರು ಕೆಲಸದ ನಿಮಿತ್ತ ತೆರಳಿದ್ದರು. ಆ ವೇಳೆಯಲ್ಲಿ ಮಳೆ ಹಾಗೂ ಬಿರುಗಾಳಿಯಿಂದ ಮರ ಧರೆಗುರುಳಿದೆ. ಅದರ ಕೆಳಗಿದ್ದ ಕಾರುಗಳು ಸಂಪೂರ್ಣವಾಗಿ ಜಖಂ ಆಗಿವೆ..

ಮೈಸೂರು : ಮರ ಉರುಳಿ ಬಿದ್ದ ಪರಿಣಾಮ ಎರಡು ಕಾರುಗಳು ಸಂಪೂರ್ಣ ಜಖಂ ಆಗಿರುವ ಘಟನೆ ನಗರದ ಶ್ರೀಹರ್ಷ ರಸ್ತೆಯಲ್ಲಿ ನಡೆದಿದೆ. ಕಾರುಗಳನ್ನು ಮರದ ಕೆಳಗೆ ನಿಲ್ಲಿಸಿ, ಚಾಲಕರು ಕೆಲಸದ ನಿಮಿತ್ತ ತೆರಳಿದ್ದರು. ಆ ವೇಳೆಯಲ್ಲಿ ಮಳೆ ಹಾಗೂ ಬಿರುಗಾಳಿಯಿಂದ ಮರ ಧರೆಗುರುಳಿದ್ದು, ಮರದ ಕೆಳಗಿದ್ದ ಕಾರುಗಳು ಸಂಪೂರ್ಣ ಜಖಂ ಆಗಿವೆ.

ಮರ ಉರುಳಿದ ಮಾಹಿತಿ ತಿಳಿದ ಮೈಸೂರು ಮಹಾನಗರ ಪಾಲಿಕೆಯ ಅಭಯ ತಂಡವು ಮರವನ್ನು ತೆರವುಗೊಳಿಸಿದರು. ಕಾರು ಜಖಂ ಆಗಿರುವುದನ್ನು ನೋಡಿದ ಚಾಲಕರು ದಿಕ್ಕು ತೋಚದಂತಾದರು. ಗುರುವಾರ ರಾತ್ರಿಯಿಂದ ನಿರಂತರವಾಗಿ ಮೈಸೂರಿನಲ್ಲಿ ಮಳೆ ಸುರಿಯುತ್ತಿದೆ.