ನನ್ನ ಸೋಲಿಸಿಲ್ಲ ಅಂತಾ ನಿಮ್ಮ ಆತ್ಮ ಮುಟ್ಟಿಕೊಂಡು ಹೇಳಿ, ಸೋಲಿಸಿ ಈಗ ಟಿಕೆಟ್​ ಕೇಳೋಕೆ ಬಂದಿದ್ದೀರಾ : ಸಿದ್ದರಾಮಯ್ಯ ಕಿಡಿ

ಪ್ರತಿಪಕ್ಷ ನಾಯಕ ಸಿದ್ದರಾಮಯ್ಯನವರು ಕೆ.ಮರಿಗೌಡ ಅಭಿಮಾನಿಗಳ ವಿರುದ್ಧ ಮೈಸೂರಲ್ಲಿ ಕಿಡಿಕಾರಿದ್ದಾರೆ..

ಮೈಸೂರು :ಎಲ್ಲಾ ನನ್ನ ಸೋಲಿಸಿ, ಈಗ ಟಿಕೆಟ್ ಕೇಳೋಕೆ ಬಂದಿದ್ದೀರಾ? ನಿಮಗೆ ನಾಚಿಕೆ ಆಗಲ್ವ ಎಂದು ಕೆ.ಮರಿಗೌಡ ಅಭಿಮಾನಿಗಳಿಗೆ ಪ್ರತಿಪಕ್ಷ ನಾಯಕ ಸಿದ್ದರಾಮಯ್ಯ ತರಾಟೆಗೆ ತೆಗೆದುಕೊಂಡರು.

ರಾಮಕೃಷ್ಣನಗರದಲ್ಲಿರುವ ಸಿದ್ದರಾಮಯ್ಯನವರ ನಿವಾಸದ ಬಳಿ ಕೆ.ಮರೀಗೌಡ ಅವರಿಗೆ ಎಂಎಲ್​ಸಿ ಟಿಕೆಟ್ ಕೊಡುವಂತೆ ಅವರ ಅಭಿಮಾನಿಗಳು ಸಿದ್ದರಾಮಯ್ಯನವರ ಕಾರನ್ನು ಅಡ್ಡಗಟ್ಟಿದರು.

ಈ ವೇಳೆ ಕೋಪಗೊಂಡ ಸಿದ್ದರಾಮಯ್ಯನವರು, ನನ್ನ ಸೋಲಿಸಿಲ್ಲ ಅಂತಾ ನಿಮ್ಮ ಆತ್ಮ ಮುಟ್ಟಿಕೊಂಡು ಹೇಳಿ. ನನ್ನ ಸೋಲಿಸಿ ಈಗ ಟಿಕೆಟ್ ಕೇಳೋಕೆ ಬಂದಿದ್ದೀರಾ, ಯಾರಿಗೆ ಏನು ಕೊಡಬೇಕು ಅಂತಾ ಗೊತ್ತಿದೆ. ನಡೀರಿ ಆ ಕಡೆ ಎಂದು ಕಿಡಿಕಾರಿದರು.