ಮೈಸೂರಲ್ಲಿ ಸರಣಿ ಅಂಗಡಿ ಕಳ್ಳತನ: ಬೆಂಗಳೂರಲ್ಲಿ ಇಬ್ಬರು ಆರೋಪಿಗಳ ಬಂಧನ

ಮೈಸೂರಿನ ದೇವರಾಜ ಅರಸು ರಸ್ತೆಯಲ್ಲಿ ಮೂರು ಶೋ ರೂಮ್​​ಗಳಿಗೆ ಕನ್ನ ಹಾಕಿ ಸರಣಿ ಕಳ್ಳತನ ಮಾಡಿದ್ದ ಬೆಂಗಳೂರು ಮೂಲದ ಸೈಯದ್ ಮೊಹಮ್ಮದ್ ಫೈಸಲ್ ಮತ್ತು ಜುನೈದ್ ಅಹಮದ್ ಎಂಬುವವರನ್ನು ಬೆಂಗಳೂರಿನ ಮೆಜೆಸ್ಟಿಕ್ ಮತ್ತು ಆರ್.ಟಿ. ನಗರದಲ್ಲಿ ಬಂಧಿಸಿ ವಿಚಾರಣೆಗೆ ಒಳಪಡಿಸಲಾಗಿದೆ.

ಮೈಸೂರು:ದೇವರಾಜ ಅರಸು ರಸ್ತೆಯಲ್ಲಿ ಸರಣಿ ಕಳ್ಳತನ ಮಾಡಿದ್ದ ಆರೋಪದಡಿ ಇಬ್ಬರನ್ನು ಬಂಧಿಸಿ ನಗದು, ಬಟ್ಟೆ ಹಾಗೂ ಒಂದು ಕಾರು ವಶಪಡಿಸಿಕೊಳ್ಳಲಾಗಿದೆ.

ನಗರದ ದೇವರಾಜ ಅರಸು ರಸ್ತೆಯಲ್ಲಿ ಮೂರು ಶೋ ರೂಮ್​​ಗಳಿಗೆ ಕನ್ನ ಹಾಕಿ ಸರಣಿ ಕಳ್ಳತನ ಮಾಡಿದ್ದ ಬೆಂಗಳೂರು ಮೂಲದ ಸೈಯದ್ ಮೊಹಮ್ಮದ್ ಫೈಸಲ್ ಮತ್ತು ಜುನೈದ್ ಅಹಮದ್ ಎಂಬುವವರನ್ನು ಬೆಂಗಳೂರಿನ ಮೆಜೆಸ್ಟಿಕ್ ಮತ್ತು ಆರ್.ಟಿ. ನಗರದಲ್ಲಿ ವಶಕ್ಕೆ ಪಡೆದು ವಿಚಾರಣೆಗೆ ಒಳಪಡಿಸಲಾಗಿದೆ.

ವಿಚಾರಣೆ ವೇಳೆ ದೇವರಾಜ ಅರಸು ರಸ್ತೆಯ 3 ಅಂಗಡಿ ಹಾಗೂ ಕೆ.ಆರ್. ಪೋಲಿಸ್ ಠಾಣಾ ವ್ಯಾಪ್ತಿಯ ಒಂದು ಬಟ್ಟೆ ಅಂಗಡಿಯಲ್ಲಿ ಕಳವು ಮಾಡಿರುವುದು ಒಪ್ಪಿಕೊಂಡಿದ್ದಾರೆ. ಈ ಆರೋಪಿಗಳಿಂದ 1.15 ಲಕ್ಷ ನಗದು, ಒಂದು ಲಕ್ಷ ರೂ. ಮೌಲ್ಯದ ಬಟ್ಟೆಗಳು, ಕೃತ್ಯಕ್ಕೆ ಬಳಸಿದ ಒಂದು ಕಾರು ವಶಪಡಿಕೊಳ್ಳಲಾಗಿದೆ. ಪ್ರಕರಣವನ್ನು ತನಿಖೆ ನಡೆಸಿದ ದೇವರಾಜ ಠಾಣಾ ಪೋಲಿಸರು ಇಬ್ಬರು ಆರೋಪಿಗಳನ್ನು ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಿದ್ದಾರೆ.