ವಿಚಾರಣೆಗೆ ಮುಗಿಸಿ ಮಾಧ್ಯಮದ ಕಣ್ತಪ್ಪಿಸಿ ಹೋದ ನಟಿ ರಶ್ಮಿಕಾ ಕುಟುಂಬ!

ಮೈಸೂರಿನಲ್ಲಿರುವ ಐಟಿ ಕಚೇರಿಗೆ ಐಟಿ ನೋಟಿಸ್ ವಿಚಾರಣೆಗೆ ಹಾಜರಾಗಲು ಬಂದಿದ್ದ ನಟಿ ರಶ್ಮಿಕಾ ಮಂದಣ್ಣ ಕುಟುಂಬ ಮಾಧ್ಯಮದವರ ಕೈಗೆ ಸಿಗದೇ ಹೊರಟು ಹೊಗಿದ್ದಾರೆ.

ಮೈಸೂರು: ಐಟಿ ನೋಟಿಸ್ ನೀಡಿದ್ದ ಹಿನ್ನೆಲೆ, ಮೈಸೂರಿನಲ್ಲಿರುವ ಐಟಿ ಕಚೇರಿಗೆ ಬಂದಿದ್ದ ರಶ್ಮಿಕಾ ಕುಟುಂಬ, ವಿಚಾರಣೆಯ ನಂತರ ಮಾಧ್ಯಮದವರನ್ನು ಭೇಟಿ ಮಾಡದೆ ಹೋಗಿದ್ದಾರೆ.

ಕಳೆದ ಗುರುವಾರ ನಟಿ ರಶ್ಮಿಕಾ ಮಂದಣ್ಣ ಅವರ ಮಡಿಕೇರಿಯ ವಿರಾಜಪೇಟೆಯ ನಿವಾಸದ ಮೇಲೆ ಐಟಿ ದಾಳಿ ನಡೆಸಿ, ಅಧಿಕಾರಿಗಳು ಮಂಗಳವಾರ ವಿಚಾರಣೆಗೆ ಹಾಜರಾಗುವಂತೆ ರಶ್ಮಿಕಾಗೆ ನೋಟಿಸ್​ ನೀಡಿದ್ದರು.

ನೋಟಿಸ್ ಹಿನ್ನೆಲೆಯಲ್ಲಿ ನಗರದ ನಜರ್ ಬಾದ್​ನಲ್ಲಿರುವ ಆದಾಯ ತೆರಿಗೆ ಭವನಕ್ಕೆ ಆಗಮಿಸಿ ಸತತ 3 ಗಂಟೆಗಳ ಕಾಲ ವಿಚಾರಣೆಗೆ ಹಾಜರಾಗಿದ್ದ ಕುಟುಂಬ, ವಿಚಾರಣೆ ಮುಗಿದ ನಂತರ ಆದಾಯ ತೆರಿಗೆ ಭವನದ ಕೆಳ ಮಹಡಿಯ ಪಾರ್ಕಿಂಗ್​ಗೆ ತಮ್ಮ ವಾಹನವನ್ನು ತರಿಸಿಕೊಂಡು ಅಲ್ಲಿಂದಲೇ ಮಾಧ್ಯಮಗಳಿಗೆ ಟಾಟಾ ಮಾಡಿ ಹೊರಟು ಹೋದರು.

ಒಂದು ಸಿನಿಮಾಗೆ ಕೋಟಿ ಕೋಟಿ ಸಂಭಾವನೆ ಪಡೆಯುತ್ತಿದ್ದ ಅವರು, ಸಂಭಾವನೆಯನ್ನು ಸಂಪೂರ್ಣ ಮೊತ್ತವನ್ನು ಕ್ಯಾಶ್ ಮೂಲಕವೇ ಪಡೆಯುತ್ತಿದ್ದರು ಎಂಬ ಮಾತು ಕೇಳಿಬಂದಿತ್ತು. ಇದೇ ಕಾರಣಕ್ಕೆ ಐಟಿ ದಾಳಿಯಾಗಿದೆ ಎನ್ನಲಾಗಿದೆ.