ಸಾಂಸ್ಕೃತಿಕ ನಗರಿಯಲ್ಲಿ ರೈಲ್ವೆ ಕೋಚ್ ಕೆಫೆ: ಏನಿದರ ವಿಶೇಷತೆ? ಇಲ್ಲಿದೆ ನೋಡಿ..

ಮೈಸೂರು ರೈಲ್ವೆ ಇದೀಗ ರೈಲ್ವೆ ಮ್ಯೂಸಿಯಂ ಒಳಗೆ ಹಳೆಯ ರೈಲು ಕೋಚ್​​ನಿಂದ ರೈಲ್ ಕೋಚ್ ಕೆಫೆ ಅನ್ನು ಹೆರಿಟೇಜ್ ಮಾದರಿಯಲ್ಲಿ ನಿರ್ಮಾಣ ಮಾಡಿದ್ದು ಈ ಕುರಿತ ವಿವರವಾದ ಮಾಹಿತಿ ಇಲ್ಲಿದೆ.

ಮೈಸೂರು:ನಗರದಲ್ಲಿರುವ ಹೆರಿಟೇಜ್ ರೈಲ್ವೆ ಮ್ಯೂಸಿಯಂನಲ್ಲಿರುವ ಹಳೆಯ ರೈಲ್ವೆ ಕೋಚ್ ಕೆಫೆಯೊಂದು ನಿರ್ಮಾಣವಾಗಿದೆ. ಈ ಹೆರಿಟೇಜ್ ರೈಲ್ ಕೋಚ್ ಕೆಫೆ ಇಷ್ಟವಾದ ತಿಂಡಿ ತಿನಿಸುಗಳನ್ನು ತಿನ್ನಬಹುದಾಗಿದೆ.

ರೈಲ್ವೆ ನಿಲ್ದಾಣದಲ್ಲಿ ನಿಂತಿದ್ದ ಕೋಚ್ ಅನ್ನು ಇಲ್ಲಿಗೆ ತಂದು ಒಳಗೆ ಇದ್ದ ಎಲ್ಲಾ ಹಳೆಯ ಕೋಚ್​ಗಳ ಸಾಮಗ್ರಿಗಳನ್ನು ತೆಗೆದು, ಆ ಕೋಚ್ ನನ್ನು ಹೆರಿಟೇಜ್ ಮಾದರಿಯ ವಸ್ತುಗಳಾದ ಹಳೆಯ ಕಾಲದ ಹಂಚು, ಪಿಂಗಾಣಿ ಪಾತ್ರೆಗಳು, ಪಾರಂಪರಿಕ ಕಾಫಿ ಕಪ್​​ಗಳು ಸೇರಿದಂತೆ ಹಲವು ವಸ್ತುಗಳನ್ನು ಇಟ್ಟು ಕೆಫೆಯನ್ನು ನಿರ್ಮಿಸಲಾಗಿದೆ.

ಮ್ಯೂಸಿಯಂ ನೋಡಲು ಬಂದ ಜನ ಇಲ್ಲಿಗೆ ಬಂದು ತಿಂಡಿ ತಿಂದು ಹೋಗುತ್ತಾರೆ. ಮಕ್ಕಳಂತೂ ಕೋಚ್ ಕೆಫೆಯನ್ನು ತುಂಬಾ ಇಷ್ಟ ಪಡುತ್ತಾರೆ ಎನ್ನುತ್ತಾರೆ ಇದನ್ನು ನಿರ್ಮಾಣ ಮಾಡಿದ ರೈಲ್ವೆ ಅಧಿಕಾರಿ ಶಾಂತಿಬಾಬು.