ಹಳೇ ಆಟಗಳನ್ನು ಬಿಟ್ಟು ಚುನಾವಣೆ ಎದುರಿಸಿ.... ಆರ್​ ಅಶೋಕ್​ ಗೆ ಸಂಸದ ಪ್ರಜ್ವಲ್​ ನೇರ ಸವಾಲು​

ಹುಣಸೂರು ಉಪಚುನಾವಣೆ ಹಿನ್ನೆಲೆ ತಾಲೂಕಿನ ವಿವಿಧ ಹಳ್ಳಿಗಳಲ್ಲಿ ಜೆಡಿಎಸ್ ಅಭ್ಯರ್ಥಿ ಸೋಮಶೇಖರ್ ಪರವಾಗಿ ಹಾಸನ ಸಂಸದ ಪ್ರಜ್ವಲ್ ರೇವಣ್ಣ ಚುನಾವಣಾ ಪ್ರಚಾರ ನಡೆಸಿದರು.

ಮೈಸೂರು: ಹುಣಸೂರು ಉಪಚುನಾವಣೆ ಹಿನ್ನೆಲೆಯಲ್ಲಿ ತಾಲೂಕಿನ ವಿವಿಧ ಹಳ್ಳಿಗಳಲ್ಲಿ ಜೆಡಿಎಸ್ ಅಭ್ಯರ್ಥಿ ಸೋಮಶೇಖರ್ ಪರವಾಗಿ ಹಾಸನ ಸಂಸದ ಪ್ರಜ್ವಲ್ ರೇವಣ್ಣ ಚುನಾವಣಾ ಪ್ರಚಾರ ನಡೆಸಿದರು.

ಈ ಸಂದರ್ಭದಲ್ಲಿ ಮಾತನಾಡಿದ ಪ್ರಜ್ವಲ್​ ಸಚಿವ ಆರ್​ ಅಶೋಕ್, ಜೆಡಿಎಸ್​ ಕಾಂಗ್ರೆಸ್​ನ ಬಿ ಟೀಂ ಎಂಬ ​ ಹೇಳಿಕೆಗೆ ತಿರುಗೇಟು ನೀಡಿದರು. ಬಿಜೆಪಿ ರಾಜ್ಯದಲ್ಲಿ ಅಧಿಕಾರ ಬರಲು ಯಾರು ಕಾರಣ ಎಂದು ಜನರಿಗೆ ಗೊತ್ತಿದೆ. ಯಾರು ಎ ಟೀಂ, ಯಾರು ಬಿ ಟೀಂ ಎನ್ನುವುದೂ ಗೊತ್ತಿದೆ. ಈ ಹಳೆ ಆಟಗಳನ್ನು ಬಿಟ್ಟು ಚುನಾವಣೆ ಎದುರಿಸಿ ಎಂದು ಸವಾಲು ಹಾಕಿದರು.

ಹುಣಸೂರಿನ ನೇರಳಕುಪ್ಪೆ, ಕಚ್ಚನಹಳ್ಳಿ, ಅಬ್ಬೂರು, ಶಿಂಡನಹಳ್ಳಿ, ಶೆಟ್ಟಹಳ್ಳಿ, ನೆಗತ್ತೂರು ಸೇರಿದಂತೆ ಹಲವು ಗ್ರಾಮಗಳಲ್ಲಿ ಪ್ರಜ್ವಲ್ ತಮ್ಮ ಅಭ್ಯರ್ಥಿ ಸೋಮಶೇಖರ್ ಜೊತೆಗೂಡಿ ಮತಯಾಚನೆ ಮಾಡಿದರು. ಈ ಸಂದರ್ಭದಲ್ಲಿ ಮಹಿಳೆಯರು ಮಂಗಳಾರತಿ ಮಾಡಿ ಸ್ವಾಗತ‌ ಕೋರಿದರು.