ಬೀಜಿಂಗ್ ವಿಂಟರ್‌ ಒಲಿಂಪಿಕ್ಸ್​ಗೆ ಆಯ್ಕೆಯಾದ ಮೈಸೂರಿನ ಸ್ಕೇಟರ್

ಮೈಸೂರಿನ ಯುವಕ ಆಕಾಶ್ ಆರಾಧ್ಯ ಕಳೆದ 24 ವರ್ಷಗಳಿಂದಲೂ ಸ್ಕೇಟಿಂಗ್ ಅಥ್ಲೀಟ್. ಇವರು 2010 ರಿಂದ 15 ರವರೆಗೆ ರೋಲರ್ ಸ್ಕೇಟಿಂಗ್​ನಲ್ಲಿ ಭಾರತವನ್ನು ಪ್ರತಿನಿಧಿಸಿದ್ದರು. ಇದೀಗ 2022ರಲ್ಲಿ ನಡೆಯುವ ಬೀಜಿಂಗ್‌ ವಿಂಟರ್​ ಒಲಿಂಪಿಕ್ಸ್‌ಗೆ ಆಯ್ಕೆಯಾಗಿದ್ದು, ಕಳೆದೊಂದು ವರ್ಷದಿಂದ ಫ್ರಾನ್ಸ್​ನಲ್ಲಿ ತರಬೇತಿಯಲ್ಲಿದ್ದಾರೆ.

ಮೈಸೂರು:2022ರಲ್ಲಿ ಚೀನಾದ ಬೀಜಿಂಗ್​ನಲ್ಲಿ ನಡೆಯಲಿರುವ ಚಳಿಗಾಲದ ಒಲಿಂಪಿಕ್ಸ್​ಗೆ ಮೈಸೂರಿನ ಸ್ಕೇಟರ್​ ಸಜ್ಜಾಗುತ್ತಿದ್ದಾರೆ. ಇತ್ತೀಚೆಗೆ ನಡೆದ ಐಸ್ ಸ್ಕೇಟಿಂಗ್ ವಿಶ್ವಕಪ್​ನಲ್ಲಿ ಅದ್ವಿತೀಯ ಸಾಧನೆಗೈದು ಒಲಿಂಪಿಕ್ಸ್​ ಕ್ವಾಲಿಫೈಯರ್​ಗೂ ಇವರು ಆಯ್ಕೆಯಾಗಿದ್ದರು.

ನಗರದ ಲಕ್ಷ್ಮೀಪುರಂ ನಿವಾಸಿ ಆಕಾಶ್ ಆರಾಧ್ಯ ಕಳೆದ 24 ವರ್ಷಗಳಿಂದಲೂ ಸ್ಕೇಟಿಂಗ್ ಅಥ್ಲೀಟ್. 2010 ರಿಂದ 15 ರವರೆಗೆ ರೋಲರ್ ಸ್ಕೇಟಿಂಗ್​ನಲ್ಲಿ ಭಾರತವನ್ನು ಪ್ರತಿನಿಧಿಸಿದ್ದಾರೆ. 2016ರಿಂದ ಇವರ ಚಿತ್ತ ಐಸ್ ಸ್ಕೇಟಿಂಗ್​ನತ್ತ ಹೊರಳಿದ್ದು, ಇಲ್ಲಿಯೂ ವಿಶೇಷ ಸಾಧನೆ ಮಾಡಿದ್ದಾರೆ.

ಇದುವರೆಗೆ 18 ವರ್ಲ್ಡ್ ಕಪ್, 3 ವರ್ಲ್ಡ್ ಚಾಂಪಿಯನ್​ಶಿಪ್, 1 ಏಷಿಯನ್ ಚಾಂಪಿಯನ್​ಶಿಪ್​ನಲ್ಲಿ ದೇಶವನ್ನು ಪ್ರತಿನಿಧಿಸಿದ್ದಾರೆ. ಮಾರ್ಚ್​ನಲ್ಲಿ ವರ್ಲ್ಡ್ ಚಾಂಪಿಯನ್​ಶಿಪ್​ 500 ಮೀಟರ್ ವಿಭಾಗದಲ್ಲಿ 33ನೇ ರ್ಯಾಂಕ್ ಸಾಧಿಸಿದ್ದು, ಇದುವರೆಗಿನ ಅತಿದೊಡ್ಡ ಸಾಧನೆಯಾಗಿದೆ. ಇವರ ಸ್ಕೇಟಿಂಗ್ ಸಾಧನೆಗೆ 2016ರಲ್ಲಿ ಏಕಲವ್ಯ ಪ್ರಶಸ್ತಿಯೂ ದೊರೆತಿದೆ.

2022ರ ವಿಂಟರ್​ ಒಲಿಂಪಿಕ್ಸ್​ ಚೀನಾದ ಬೀಜಿಂಗ್​ನಲ್ಲಿ ನಡೆಯಲಿದೆ. ಇದಕ್ಕಾಗಿ ಇವರು ಕಳೆದೊಂದು ವರ್ಷದಿಂದ ಫ್ರಾನ್ಸ್​ನಲ್ಲಿ ತರಬೇತಿ ಪಡೆದುಕೊಳ್ಳುತ್ತಿದ್ದಾರೆ.

ಪುತ್ರನ ಸಾಧನೆಯ ಹಾದಿಗೆ ತಂದೆ ಆರಾಧ್ಯ ಬೆನ್ನೆಲುಬಾಗಿ ನಿಂತಿದ್ದಾರೆ. ಮೂಲತಃ ಕೆ.ಆರ್.ನಗರ ತಾಲೂಕಿನವರಾಗಿದ್ದು,ಮೈಸೂರಿನಲ್ಲಿ ಆಡಿಟಿಂಗ್ ಮಾಡಿಕೊಂಡು ಮಗನ ಸಾಧನೆಗೆ ಪ್ರೋತ್ಸಾಹ ನೀಡುತ್ತಿದ್ದಾರೆ.

ಇದನ್ನೂಓದಿ: ಕಿರುತೆರೆಯಲ್ಲಿ ಪ್ರಸಾರವಾಗುತ್ತಿದೆ ‘ಧಾರವಾಡದಾಗೊಂದು ಲವ್ ಸ್ಟೋರಿ’ ಧಾರವಾಹಿ