ಮೈಸೂರು: ತಂದೆಯ ಪಿಂಡ ಪ್ರದಾನ ಮಾಡಲು ಹೋಗಿ ಹೆಣವಾದ ಮಗ

ತಂದೆಗೆ ಪಿಂಡ ಪ್ರದಾನ ಮಾಡುವ ಸಂದರ್ಭದಲ್ಲಿ ನಾಲೆಗೆ ಜಾರಿಬಿದ್ದು ಕೊಚ್ಚಿ ಹೋದ ಮಗ ಹೆಣವಾಗಿ ಪತ್ತೆಯಾಗಿರುವ ಘಟನೆ ಮೈಸೂರು ಜಿಲ್ಲೆಯ ವರುಣಾ ನಾಲೆಯ ಬಳಿ ನಡೆದಿದೆ.

ಮೈಸೂರು:ತಂದೆಯ ಪಿಂಡ ಪ್ರದಾನ ಮಾಡುವ ಸಂದರ್ಭದಲ್ಲಿ ನಾಲೆಗೆ ಜಾರಿಬಿದ್ದು ಕೊಚ್ಚಿ ಹೋದ ಮಗ ಹೆಣವಾಗಿ ಪತ್ತೆಯಾಗಿರುವ ಘಟನೆ ಜಿಲ್ಲೆಯ ವರುಣಾ ನಾಲೆಯ ಬಳಿ ನಡೆದಿದೆ.

ಶ್ರೀನಿವಾಸ ಸೀರ್ಪು ಮೃತ ವ್ಯಕ್ತಿ. ಇವರು ಇತ್ತಿಚೆಗೆ ನಿಧನರಾಗಿದ್ದ ತನ್ನ ತಂದೆಯ ಪಿಂಡ ಪ್ರದಾನ ಕಾರ್ಯ ಮಾಡಲೆಂದು ಕುಟುಂಬ ಸಮೇತ ತಿ.ನರಸೀಪುರ ರಸ್ತೆ ಚಿಕ್ಕಳ್ಳಿ ಬಳಿಯ ವರುಣಾ ನಾಲೆಗೆ ಹೋಗಿದ್ದರು. ಅವರು ನಾಲೆಗೆ ಪಿಂಡ ಪ್ರದಾನ ಮಾಡಿ ವಾಪಸ್ ಹಿಂತಿರುವಾಗ ಕಾಲು ಜಾರಿ ನಾಲೆಯ ನೀರಿಗೆ ಬಿದ್ದಿದ್ದಾರೆ. ನೀರಿನ ರಭಸ ಹೆಚ್ಚಾಗಿದ್ದಿದ್ದರಿಂದ ಕೊಚ್ಚಿಕೊಂಡು ಹೋಗಿದ್ದಾರೆ.

ತಕ್ಷಣವೇ ಕುಟುಂಬದವರು ಸ್ಥಳಕ್ಕೆ ಈಜುಪಟುಗಳನ್ನು ಕರೆಸಿದರೂ ಶ್ರೀನಿವಾಸ್​ ಪತ್ತೆಯಾಗಿರಲಿಲ್ಲ. ಕೂಡಲೇ ಪೊಲೀಸರು ಕೂಡ ಆಗಮಿಸಿ ಕಾರ್ಯಾಚರಣೆ ಕೈಗೊಂಡಿದ್ದು, ಇಂದು ಯಾಂದಹಳ್ಳಿ ಬಳಿಯ ವರುಣಾ ನಾಲೆಯಲ್ಲಿ ಮೃತದೇಹ ಪತ್ತೆಯಾಗಿದೆ.

ಈ ಸಂಬಂಧ ವರುಣಾ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಪೋಲಿಸರು ಪರಿಶೀಲನೆ ನಡೆಸಿದ್ದಾರೆ.