ಬೆಂಗಳೂರಿನಲ್ಲಿ ಡ್ರಗ್ಸ್​​​ನ ದೊಡ್ಡ ಇಂಡಸ್ಟ್ರಿಯೇ ಇದೆ : ಶಾಸಕ ರಿಜ್ವಾನ್ ಅರ್ಷದ್

ಪೊಲೀಸ್ ಗಮನಕ್ಕೆ ಇಲ್ಲದೆ ಯಾವ ದಂಧೆಯೂ ನಡೆಯುವುದಿಲ್ಲ, ಪೊಲೀಸರು ಸೀರಿಯಸ್‌ ಆಗಿ ಡ್ರಗ್ಸ್ ಇರಬಾರದೆಂದು ನಿರ್ಧಾರ ಮಾಡಿ ಬಿಟ್ಟರೆ ಡ್ರಗ್ಸ್ ಸಮಸ್ಯೆ ಇರುವುದಿಲ್ಲ..

ಮೈಸೂರು :ಬೆಂಗಳೂರು ನಗರದಲ್ಲಿ ಗಾಂಜಾ ಮತ್ತು ಡ್ರಗ್ಸ್​​ನ ದೊಡ್ಡ ಮಟ್ಟದ ಇಂಡಸ್ಟ್ರಿಯೇ ಇದೆ. ಈಗ ಅದು ಇನ್ನೂ ಹೆಚ್ಚಾಗಿದೆ ಎಂದು ಶಾಸಕ ರಿಜ್ವಾನ್ ಅರ್ಷದ್ ಹೇಳಿದ್ದಾರೆ.

ಇಲ್ಲಿನ ಪತ್ರಿಕಾಭವನದಲ್ಲಿ ಮಾತನಾಡಿದ ಅವರು, ಕೊರೊನಾ ಸಂದರ್ಭದಲ್ಲಿ ಅಂತಾನೇ ಏನೂ ಇಲ್ಲ, ಬೆಂಗಳೂರು ನಗರದಲ್ಲಿ ಗಾಂಜಾ ಮತ್ತು ಡ್ರಗ್ಸ್​ನ ದೊಡ್ಡ ಮಟ್ಟದ ಇಂಡಸ್ಟ್ರಿಯೇ ಇದೆ. ಈಗಂತೂ ಅದು ಹೆಚ್ಚಾಗಿದೆ. ನಾವು ಬೆಂಗಳೂರು ಕಮಿಷನರ್ ಭೇಟಿ ಮಾಡಿ ಡ್ರಗ್ಸ್ ಬಗ್ಗೆ ಕಠಿಣ ಕ್ರಮ ಕೈಗೊಳ್ಳಿ ಎಂದು ವೈಯಕ್ತಿಕವಾಗಿ ಒತ್ತಾಯ ಮಾಡಿದ್ದೇನೆ ಎಂದಿದ್ದಾರೆ.

ಇದರಿಂದ ದೇಶದ ಮಕ್ಕಳು ಡ್ರಗ್ಸ್​ನಿಂದ ಬಲಿಯಾಗುತ್ತಿದ್ದಾರೆ. ನಾವೆಲ್ಲಾ ಬದುಕಿದ್ದರೇನು, ಸತ್ತರೇನು ಆ ಮಟ್ಟಕ್ಕೆ ನಾವು ಯೋಚನೆ ಮಾಡಬೇಕು. ಸರ್ಕಾರ ಡ್ರಗ್ಸ್​ನ ಕಂಟ್ರೋಲ್‌ ಮಾಡಬೇಕು ಎಂದರು.

ಪೊಲೀಸ್ ಗಮನಕ್ಕೆ ಇಲ್ಲದೆ ಯಾವ ದಂಧೆಯೂ ನಡೆಯುವುದಿಲ್ಲ, ಪೊಲೀಸರು ಸೀರಿಯಸ್‌ ಆಗಿ ಡ್ರಗ್ಸ್ ಇರಬಾರದೆಂದು ನಿರ್ಧಾರ ಮಾಡಿ ಬಿಟ್ಟರೆ ಡ್ರಗ್ಸ್ ಸಮಸ್ಯೆ ಇರುವುದಿಲ್ಲ ಎಂದರು.