ಮೈಸೂರಲ್ಲಿ 50 ಮರಿ ಮಾಡಿದ್ದ ಮಂಡಲದ ಹಾವು ರಕ್ಷಣೆ..!

50 ಮರಿ ಹಾಕಿದ್ದ ಮಂಡಲದ ಹಾವನ್ನು ಉರಗ ತಜ್ಞ ರಕ್ಷಣೆ ಮಾಡಿರುವ ಘಟನೆ ಮೈಸೂರು ಜಿಲ್ಲೆಯ ಬಿಳಿಕೆರೆ ಬಳಿಯ ಗ್ರಾಮವೊಂದರಲ್ಲಿ ನಡೆದಿದೆ.

ಮೈಸೂರು: 50 ಮರಿ ಮಾಡಿದ್ದ ಮಂಡಲದ ಹಾವನ್ನು ಉರಗ ತಜ್ಞ ರಕ್ಷಣೆ ಮಾಡಿರುವ ಘಟನೆ ಜಿಲ್ಲೆಯ ಬಿಳಿಕೆರೆ ಬಳಿಯ ಗ್ರಾಮವೊಂದರಲ್ಲಿ ನಡೆದಿದೆ.

ಗುಂಡಿಯೊಂದರಲ್ಲಿ ಮಂಡಲದ ಹಾವೊಂದು ಮೊಟ್ಟೆ ಇಟ್ಟು 50 ಮರಿ ಮಾಡಿಸಿತ್ತು. ಇದನ್ನು ಕಂಡ ಗ್ರಾಮಸ್ಥರು ಉರಗ ತಜ್ಞ ಮೊಹಮ್ಮದ್ ಉಮರ್ ಷರೀಫ್​ಗೆ ಕರೆ ಮಾಡಿದ್ದಾರೆ. ಸ್ಥಳಕ್ಕೆ ಬಂದ ಈತ ಹಾವು ಹಾಗೂ ಅದರ ಮರಿಗಳನ್ನು ರಕ್ಷಣೆ ಮಾಡಿ ಅರಣ್ಯ ಅಧಿಕಾರಿಗಳ ಅನುಮತಿ ಪಡೆದು ಕಾಡಿಗೆ ಬಿಟ್ಟಿದ್ದಾರೆ.

ಸಾಮಾನ್ಯವಾಗಿ ಈ ಮಂಡಲದ ಹಾವನ್ನು ಕೊಳಕಮಂಡಲ ಎಂದು ಕರೆಯುವುದುಂಟು. ಇದು ಮಾನವರ ಮೇಲೆ ಉಸಿರು ಬಿಟ್ಟರೆ ಶರೀರವೇ ಕೊಳೆತು ಬಿಡುತ್ತದೆ ಎಂಬ ಭಾವನೆ ಇದ್ದು, ಇದು ತಪ್ಪು. ಇದು ಕಚ್ಚಿದರೆ ಮಾತ್ರ ಅಪಾಯ ಎನ್ನುತ್ತಾರೆ. ಅಲ್ಲದೆ 50 ಮರಿಗಳನ್ನು ಮಾಡಿರುವ ಈ ಹಾವು ತುಂಬಾ ಆಶ್ಚರ್ಯಕ್ಕೆ ಕಾರಣವಾಗಿದೆ ಎನ್ನುತ್ತಾರೆ ಉರಗ ತಜ್ಞ ಮೊಹಮ್ಮದ್ ಉಮರ್ ಷರೀಫ್.