ನಿನ್ನೆ ವಿಡಿಯೋ ಕಾಲ್​ ಮಾಡಿ ಗುಣಮುಖನಾಗುವೆ ಎಂದಾತ ಇಂದು ಕೋವಿಡ್​ಗೆ ಬಲಿ!

ಮೈಸೂರಿನಲ್ಲಿ ನಿನ್ನೆ ವಿಡಿಯೋ ಕಾಲ್​ನಲ್ಲಿ ಗುಣಮುಖನಾಗುವೆ ಎಂದ ಕೊರೊನಾ ಸೋಂಕಿತ ಇಂದು ಸಾವನ್ನಪ್ಪಿದ್ದಾನೆ.

ಮೈಸೂರು: ಕೊರೊನಾ ಕೇಕೆ ಮುಂದುವರೆದಿದ್ದು, ವಾರದ ಅಂತರದಲ್ಲಿ ಇಬ್ಬರು ಸಹೋದರರನ್ನು ಕಳೆದುಕೊಂಡ ತಮ್ಮ ಕಂಗಾಲಾಗಿದ್ದಾನೆ.

ಬಂಡಿಪಾಳ್ಯದ ನಿವಾಸಿ ನವೀನ್ ಎಂಬುವರ ಎರಡನೇ ಅಣ್ಣ ಪ್ರಸಾದ್ (31) ಕಳೆದ ವಾರ ಸಾವನ್ನಪ್ಪಿದ್ದರು. ಇಂದು ಮೊದಲನೇ ಅಣ್ಣ ರಾಘವೇಂದ್ರ(33) ಕೊರೊನಾಗೆ ಬಲಿಯಾಗಿದ್ದಾರೆ.

ರಾಘವೇಂದ್ರ ನಿನ್ನೆಯಷ್ಟೆ ಪತ್ನಿ ಹಾಗೂ ತಮ್ಮ ನವೀನ್​ಗೆ ವಿಡಿಯೋ ಕಾಲ್ ಮಾಡಿ, ನಾನು ಗುಣಮುಖನಾಗಿ ಬರುವೆ ಎಂದು ಹೇಳಿದ್ದರಂತೆ. ಆದರೆ ಇಂದು ಸಾವನ್ನಪ್ಪಿದ್ದಾರೆ.

ಇಬ್ಬರು ಅಣ್ಣಂದಿರ ಸಾವಿಗೆ ವೈದ್ಯರ ನಿರ್ಲಕ್ಷ್ಯ ಕಾರಣ ಎಂದು‌ ಮೃತರ ಸಹೋದರ ನವೀನ್ ಆರೋಪ ಮಾಡಿದ್ದಾರೆ.