ಮೈಸೂರು : ನನಗೆ ಚುನಾವಣಾ ರಾಜಕೀಯ ಸಾಕಾಗಿದೆ. ಈ ಬಾರಿ ಸಂಸದನಾಗಿ ಅವಧಿ ಪೂರೈಸಿದ್ರೆ ಸಾಕು ಎಂದು ಚಾಮರಾಜನಗರದ ಸಂಸದ ವಿ. ಶ್ರೀನಿವಾಸ್ ಪ್ರಸಾದ್ ತಮ್ಮ ಮನಸಿನ ಅನಿಸಿಕೆ ಹೊರ ಹಾಕಿದ್ದಾರೆ.
ಖಾಸಗಿ ಆಸ್ಪತ್ರೆಯ ಕಾರ್ಯಕ್ರಮದಲ್ಲಿ ಭಾಗವಹಿಸಿ ಮಾತನಾಡಿದ ಅವರು, ನನಗೆ ಚುನಾವಣೆ, ರಾಜಕೀಯ ಸಾಕಾಗಿದೆ. ಈ ಬಾರಿ ಲೋಕಸಭೆಗೆ ಹಠ ಮತ್ತು ಛಲಕ್ಕಾಗಿ ಸ್ಪರ್ಧೆ ಮಾಡಿ ಗೆಲುವು ಸಾಧಿಸಿದೆ. ನನಗೆ ಆರೋಗ್ಯ ಸರಿ ಇಲ್ಲದ ಕಾರಣ ಬಹಿರಂಗ ಕಾರ್ಯಕ್ರಮಗಳಲ್ಲಿ ಭಾಗವಹಿಸುವುದು ಕಷ್ಟ. ಸಂಸದನಾಗಿ ಉಳಿದ ಮೂರುವರೆ ವರ್ಷ ಅಧಿಕಾರ ಪೂರೈಸಿದ್ರೆ ಸಾಕಾಗಿದೆ ಎಂದರು.