ಪುಸ್ತಕ ಬಿಡುಗಡೆಗೆ ಬಂದಿರುವೆ, ರಾಜಕೀಯ ಮಾತನಾಡಲ್ಲ: ತೇಜಸ್ವಿನಿ ಅನಂತ​​ಕುಮಾರ್​​​

ಮೈಸೂರಿನ ಖಾಸಗಿ ಹೋಟೆಲ್​ನಲ್ಲಿ "ಕಾಡಿನೊಳಗೊಂದು ಜೀವ" ಪುಸ್ತಕ ಬಿಡುಗಡೆಗೊಳಿಸಿದ ತೇಜಸ್ವಿನಿ ಅನಂತ ಕುಮಾರ್.

ಮೈಸೂರು:ಇವತ್ತು ಪುಸ್ತಕ ಬಿಡುಗಡೆ ಸಮಾರಂಭಕ್ಕೆ ಬಂದಿದ್ದೇನೆ, ರಾಜಕೀಯ ಮಾತನಾಡುವುದಿಲ್ಲ ಎಂದು ತೇಜಸ್ವಿನಿ ಅನಂತಕುಮಾರ್ ಹೇಳಿದ್ದಾರೆ.

ಮೈಸೂರಿನ ಖಾಸಗಿ ಹೋಟೆಲ್​ನಲ್ಲಿ "ಕಾಡಿನೊಳಗೊಂದು ಜೀವ" ಪುಸ್ತಕ ಬಿಡುಗಡೆ ಮಾಡಿ ಪುಸ್ತಕದ ಬಗ್ಗೆ ಮಾತನಾಡಿದ ತೇಜಸ್ವಿನಿ‌ ಅನಂತಕುಮಾರ್, ಕಾಡಿನೊಳಗೊಂದು ಜೀವ ಪುಸ್ತಕ ಬರೀ ಕಾಗದದೊಳಗಿನ ಗುಚ್ಚ ಅಲ್ಲ. ಕಾಡು, ನೀರಿನ ಸಮಸ್ಯೆ, ಪರಿಸರ ಹಾಗೂ ಕಾಡು ಪ್ರಾಣಿಗಳು, ಕಾಡಿನ ಜನರ ಜೀವನ ಇವೆಲ್ಲವೂ ಈ ಪುಸ್ತಕದಲ್ಲಿದೆ. ಇದನ್ನು ಚಿಣ್ಣಪ್ಪ ತಮ್ಮ ಅನುಭವದಲ್ಲಿ ಬರೆಸಿದ್ದಾರೆ ಎಂದರು.

ರಾಜ್ಯ ರಾಜಕಾರಣಕ್ಕೆ ಬರುತ್ತೀರಾ ಎಂಬ ಮಾಧ್ಯಮದವರ ಪ್ರಶ್ನೆಗೆ ಉತ್ತರಿಸಿದ ಅವರು, ನಾನು ಇವತ್ತು ಪುಸ್ತಕ ಬಿಡುಗಡೆ ಮಾಡುವುದಕ್ಕೆ ಮಾತ್ರ ಬಂದಿದ್ದೇನೆ, ರಾಜಕೀಯ ಮಾತಾಡುವುದಿಲ್ಲ ಎಂದು ನಯವಾಗಿ ಹೇಳಿದರು.