ಮೈಸೂರು: ಇನ್ನೆರಡು ದಿನಗಳಲ್ಲಿ ಮದುವೆಯಾಗಬೇಕಿದ್ದ ಯುವಕ ಕೊರೊನಾದಿಂದ ಸಾವು

ಮದುವೆ ನಿಗದಿಯಾಗಿದ್ದ ಮೈಸೂರಿನ ಯುವಕನನ್ನು ಕೊರೊನಾ ಸೋಂಕು ಬಲಿ ಪಡೆದುಕೊಂಡ ಘಟನೆ ಮೈಸೂರಿನಲ್ಲಿ ನಡೆದಿದೆ.

ಮೈಸೂರು:ಮದುವೆ ನಿಗದಿಯಾಗಿದ್ದ ಯುವಕ ಕೊರೊನಾಗೆ ಬಲಿಯಾಗಿರುವ ಘಟನೆ ಮೈಸೂರಿನ ಹೆಬ್ಬಾಳುವಿನಲ್ಲಿ ನಡೆದಿದೆ.

ನವೀನ್ (31) ಮೃತ ದುರ್ದೈವಿ. ಈತ ಖಾಸಗಿ ಕಂಪನಿ‌ ಉದ್ಯೋಗಿಯಾಗಿದ್ದು ಮಾ.7 ರಂದು ನಿಶ್ಚಿತಾರ್ಥವಾಗಿತ್ತು. ಮೇ 19 ಮತ್ತು 20 ಮದುವೆ ದಿನಾಂಕವೂ ಫಿಕ್ಸ್‌ ಆಗಿತ್ತು. ಇವರಿಗೆ ಕೆಮ್ಮು ಕಾಣಿಸಿಕೊಂಡ‌ ಕಾರಣ ಪರೀಕ್ಷೆ ಮಾಡಿಸಿದಾಗ ಕೊರೊನಾ ಸೋಂಕು ದೃಢಪಟ್ಟಿದೆ. ಬಳಿಕ ಉಸಿರಾಟದ ತೊಂದರೆಯೂ ಉಂಟಾಗಿದ್ದು ಜಿಲ್ಲಾ ಕೋವಿಡ್ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಆದ್ರೆ ಚಿಕಿತ್ಸೆ ಫಲಕಾರಿಯಾಗದೆ ಇಂದು ಸಾವನ್ನಪ್ಪಿದ್ದಾರೆ ಎಂದು ತಿಳಿದು ಬಂದಿದೆ.

ಮೃತ ನವೀನ್ ಅಣ್ಣ ಹಾಗೂ ಅತ್ತಿಗೆಗೂ ಕೊರೊನಾ ಪಾಸಿಟಿವ್ ವರದಿ ಬಂದಿದೆ. ಸದ್ಯ ಮದುವೆ ಸಂಭ್ರಮದ ಮನೆಯಲ್ಲಿ ಸೂತಕದ ಛಾಯೆ ಆವರಿಸಿದೆ.

ಇದನ್ನೂ ಓದಿ:3 ಲಕ್ಷ ಗಡಿಯಿಂದ ಕೆಳಗಿಳಿದ ಹೊಸ ಕೋವಿಡ್​ ಕೇಸ್: ನಿನ್ನೆಯೂ 4,106 ಮಂದಿ ಸಾವು