ನಾಗಾಲ್ಯಾಂಡ್ ಯುವಕರನ್ನು ಸೂಪರ್ ಮಾರ್ಕೆಟ್​ಗೆ ಬಿಡದ ನೌಕರರ ಬಂಧನ

ನಾಗಾಲ್ಯಾಂಡ್ ಯುವಕರನ್ನು ಸೂಪರ್ ಮಾರ್ಕೆಟ್ ಅಂಗಡಿಗೆ ಪ್ರವೇಶ ಮಾಡಲು ಬಿಡದ ಔಟ್​ಲೆಟ್ ನಾಲ್ವರು ನೌಕರರನ್ನು ಬಂಧಿಸಲಾಗಿದೆ.

ಮೈಸೂರು: ಸೂಪರ್ ಮಾರ್ಕೆಟ್ ಅಂಗಡಿಗೆ ನಾಗಾಲ್ಯಾಂಡ್ ಯುವಕರನ್ನು ಒಳ ಪ್ರವೇಶ ಮಾಡಲು ಬಿಡದೇ ತಡೆ ಹಿಡಿದ ಪ್ರಕರಣಕ್ಕೆ ಸಂಬಂಧಿಸಿದಂತೆ ನಾಲ್ವರು ನೌಕರರನ್ನು ಬಂಧಿಸಲಾಗಿದೆ.

ನಾಗಾಲ್ಯಾಂಡ್ ಯುವಕರನ್ನು ಸೂಪರ್ ಮಾರ್ಕೆಟ್​ ಒಳಗೆ ಬಿಡದ ಬಗ್ಗೆ.

ಶನಿವಾರ ಸಂಜೆ ನಗರದ ಚಾಮುಂಡಿಪುರಂನಲ್ಲಿರುವ ಮೋರ್ ಸೂಪರ್ ಮಾರ್ಕೆಟ್​​ಗೆ ಆಹಾರ ಪದಾರ್ಥಗಳನ್ನು ಖರೀದಿಸಲು ಬಂದ ಇಬ್ಬರು ನಾಗಾಲ್ಯಾಂಡ್ ಯುವಕರನ್ನು ಈ ಔಟ್​ಲೆಟ್ ನ ನೌಕರರಾದ ರೇವಣ್ಣ, ಮಂಜು , ನವೀನ್ ಹಾಗೂ ಅವಿನಾಶ್ ಎಂಬುವವರು ಈ ಯುವಕರನ್ನು ಸೂಪರ್ ಮಾರ್ಕೆಟ್ ಒಳಗಡೆ ಪ್ರವೇಶಸಿದಂತೆ ತಡೆದು, ಜನಾಂಗೀಯ ತಾರತಮ್ಯ ಮಾಡಿ ಕಳುಹಿಸಿದ್ದರು.

ಈ ಸಂಬಂಧ ಕೃಷ್ಣರಾಜ ಪೊಲೀಸ್​ ಠಾಣೆಯಲ್ಲಿ ದೂರು ದಾಖಲಾಗಿದ್ದು, ಔಟ್​ಲೆಟ್​ನಲ್ಲಿದ್ದ ಸಿಸಿಟಿವಿ ಪರಿಶೀಲನೆ ಮಾಡಿದಾಗ ಪ್ರಕರಣ ನಡೆದಿರುವುದು ಕಂಡುಬಂದಿದೆ. ಈ ಸಂಬಂಧ ಪ್ರಕರಣ ದಾಖಲಿಸಿಕೊಂಡು ನಾಲ್ವರನ್ನು ಬಂಧಿಸಿದ್ದಾರೆ.