ಕರ್ನಾಟಕ ರಾಜ್ಯ ಮುಕ್ತ ವಿಶ್ವವಿದ್ಯಾಲಯದಲ್ಲಿ (ಕೆಎಸ್‌ಒಯು) ಖಾಲಿ ಇರುವ ತಾಂತ್ರಿಕೇತರ ಹುದ್ದೆಗಳ ಭರ್ತಿಗೆ ಅರ್ಜಿ ಅಹ್ವಾನಿಸಲಾಗಿದೆ. ಎಫ್ಡಿಎ, ಎಸ್ಡಿಎ ಸೇರಿದಂತೆ ಒಟ್ಟು 32 ಗ್ರೂಪ್ ಸಿ ಹುದ್ದೆಗಳಿವೆ. ಹೈದರಾಬಾದ್ ಕರ್ನಾಟಕ ವ್ಯಾಪ್ತಿಯ ಸ್ಥಳೀಯ ಅಭ್ಯರ್ಥಿಗಳನ್ನು ನೇರ ನೇಮಕಾತಿ ಮೂಲಕ ಭರ್ತಿ ಮಾಡಲಾಗುತ್ತದೆ. ನೇಮಕಾತಿ, ಅರ್ಜಿ ಆಹ್ವಾನ ಸೇರಿದಂತೆ ಇನ್ನಿತರ ಮಾಹಿತಿ ಈ ಕೆಳಗಿನಂತಿದೆ.
| ಹುದ್ದೆ | ಹುದ್ದೆಗಳ ಸಂಖ್ಯೆ | ವಿದ್ಯಾರ್ಹತೆ | ವೇತನ |
| ಎಫ್ಡಿಎ | 4 | ಪದವಿ | 30,350-58,250 ರೂ |
| ಡಾಟಾ ಎಂಟ್ರಿ ಆಪರೇಟರ್ | 5 | ಪಿಯುಸಿ, ಪದವಿ | 27,650-52,650 ರೂ |
| ಎಸ್ಡಿಎ | 8 | ಪಿಯುಸಿ, ಪದವಿ | 21,400-42,000 ರೂ |
| ಟೈಪಿಸ್ಟ್ ಮತ್ತು ಅಸಿಸ್ಟೆಂಟ್ | 1 | ಎಸ್ಎಸ್ಎಲ್ಸಿ | 21,400-42,000 ರೂ |
| ವಾಹನ ಚಾಲಕರು | 1 | ಎಸ್ಎಸ್ಎಲ್ಸಿ | 21,400-42,000 ರೂ |
| ಎಲೆಕ್ಟ್ರಿಷಿಯನ್ | 1 | ಎಸ್ಎಸ್ಎಲ್ಸಿ, ಡಿಪ್ಲೊಮಾ ಇನ್ ಎಲೆಕ್ಟ್ರಿಕಲ್ ಇಂಜಿನಿಯರಿಂಗ್‌, ಐಟಿಐ | 21,400-42,000 ರೂ |
| ಪ್ಲಂಬರ್ | 1 | 7ನೇ ತರಗತಿ, ಎಸ್ಎಸ್ಎಲ್ಸಿ | 21,400-42,000 ರೂ |
| ಅಟೆಂಡೆಂಟ್ | 2 | ಎಸ್ಎಸ್ಎಲ್ಸಿ | 19,950-37,900 ರೂ |
| ಗ್ಯಾಂಗ್ಮೆನ್ | 1 | 7ನೇ ತರಗತಿ , ಎಸ್ಎಸ್ಎಲ್ಸಿ | 18,600-32,600 ರೂ |
| ಸೇವಕ | 5 | 7ನೇ ತರಗತಿ | 17,000-28,950 ರೂ |
| ಸ್ವೀಪರ್ | 2 | 7ನೇ ತರಗತಿ | 17,000-28,950 ರೂ |
| ಹೆಲ್ಪರ್ | 1 | 7ನೇ ತರಗತಿ | 17,000-28,950 ರೂ |
ಅನುಭವ: ವಾಹನ ಚಾಲಕರು ಮತ್ತು ಪ್ಲಂಬರ್ ಹುದ್ದೆಗೆ ಅರ್ಜಿ ಸಲ್ಲಿಸುವವರು ತಮ್ಮ ಕಾರ್ಯಕ್ಷೇತ್ರದಲ್ಲಿ ಕ್ರಮವಾಗಿ 3 ಮತ್ತು 2 ವರ್ಷದ ಹುದ್ದೆ ನಿರ್ವಹಣೆ ಮಾಡಿದ ಅನುಭವ ಹೊಂದಿರಬೇಕು.
ವಯೋಮಿತಿ: ಕನಿಷ್ಟ 18, ಗರಿಷ್ಠ 35 ವರ್ಷ. ಪರಿಶಿಷ್ಟ ಜಾತಿ, ಪರಿಶಿಷ್ಟ ಪಂಗಡ ಮತ್ತು ಪ್ರವರ್ಗ 1 ಅಭ್ಯರ್ಥಿಗಳಿಗೆ 5 ವರ್ಷ ಮತ್ತು ಹಿಂದುಳಿದ ವರ್ಗಗಳ ಅಭ್ಯರ್ಥಿಗಳಿಗೆ 3 ವರ್ಷ ವಯೋಮಿತಿ ಸಡಿಲಿಕೆ.
ಅರ್ಜಿ ಸಲ್ಲಿಕೆ: ನಿಗದಿತ ಅರ್ಜಿ ಸಲ್ಲಿಕೆ ಫಾರ್ಮ್ ಅನ್ನು ಕೆಳಗೆ ನೀಡಿದ ವಿಳಾಸಕ್ಕೆ ಆಫ್ಲೈನ್ ಮೂಲಕ ಭರ್ತಿ ಮಾಡಬೇಕು. ಅರ್ಜಿ ಶುಲ್ಕವನ್ನು ಆನ್ಲೈನ್ ಮೂಲಕ ಪಾವತಿಸಿ, ರಶೀದಿಯನ್ನು ಅರ್ಜಿ ಜೊತೆಯೇ ಸಲ್ಲಿಸಬೇಕು. ಪ.ಜಾತಿ, ಪ.ಪಂ ಮತ್ತು ಪ್ರವರ್ಗ 1 ಅಭ್ಯರ್ಥಿಗಳಿಗೆ 500 ರೂ ಅರ್ಜಿ ಶುಲ್ಕ ವಿಧಿಸಲಾಗಿದೆ. ಇತರೆ ಅಭ್ಯರ್ಥಿಗಳಿಗೆ 1,000 ರೂ ಅರ್ಜಿ ಶುಲ್ಕ ನಿಗದಿಸಲಾಗಿದೆ.