ಪ್ರವಾಹದಿಂದ ದಸರೆಗೆ ತೊಂದರೆಯಿಲ್ಲ, ಈ ಬಾರಿ ವಿಜೃಂಭಣೆಯ ನಾಡಹಬ್ಬ: ಬಿಎಸ್​​​​ವೈ

ರಾಜ್ಯದಲ್ಲಿ ಪ್ರವಾಹ ಇದೆಯೆಂದು ದಸರಾ ಸರಳವಾಗಿ ಆಚರಣೆಯಾಗುವುದಿಲ್ಲ, ವಿಜೃಂಭಣೆಯಿಂದಲೇ ದಸರಾ ಮಾಡುತ್ತೇವೆ ಎಂದು ಸಿಎಂ ಯಡಿಯೂರಪ್ಪ ಹೇಳಿದರು.

ಮೈಸೂರು: ಪ್ರವಾಹದಿಂದ ನಾಡಹಬ್ಬ ದಸರಾಕ್ಕೆ ತೊಂದರೆಯಾಗುವುದಿಲ್ಲ. ದಸರಾ ವಿಜೃಂಭಣೆಯಿಂದ ನಡೆಯಲಿದೆ ಎಂದು ಮುಖ್ಯಮಂತ್ರಿ ಬಿ.ಎಸ್.ಯಡಿಯೂರಪ್ಪ ತಿಳಿಸಿದ್ದಾರೆ‌.

ನಂಜನಗೂಡು ದೇವಸ್ಥಾನಕ್ಕೆ ಭೇಟಿ ನೀಡಿದ್ದ ಅವರು ಮಾಧ್ಯಮಗಳೊಂದಿಗೆ ಮಾತನಾಡಿ, ಪ್ರವಾಹದಿಂದ ಸರಳ ದಸರಾ ಆಚರಣೆಯಾಗುವುದಿಲ್ಲ. ವಿಜೃಂಭಣೆಯಿಂದಲೇ ದಸರಾ ಮಾಡುತ್ತೇವೆ ಎಂದು ಹೇಳಿದರು.

ಪ್ರವಾಹದಿಂದ ಮನೆ ಕಳೆದುಕೊಂಡವರಿಗೆ 5 ಲಕ್ಷ ರೂ. ಪರಿಹಾರ ನೀಡಲಾಗುವುದು. ತಾತ್ಕಾಲಿಕ ವ್ಯವಸ್ಥೆ ಮಾಡಿ‌ ಮುಂದಿನ ದಿನಗಳಲ್ಲಿ ಅಗತ್ಯ ಕ್ರಮ ಕೈಗೊಳ್ಳುತ್ತೇವೆ. ಕೇಂದ್ರ ಹಾಗೂ ರಾಜ್ಯದಿಂದ ಪ್ರವಾಹ ಪೀಡಿತರಿಗೆ ಪರಿಹಾರ ನೀಡಲಾಗುವುದು. ಈ ಬಗ್ಗೆ ಕೇಂದ್ರಕ್ಕೆ ಈಗಾಗಲೇ ಮನವರಿಕೆ ಮಾಡಲಾಗಿದೆ ಎಂದು ಮುಖ್ಯಮಂತ್ರಿ ಯಡಿಯೂರಪ್ಪ ತಿಳಿಸಿದರು.