ಲೋಕಸಭಾ ಚುನಾವಣೆಯಲ್ಲಿ ಬಿಜೆಪಿ ತೊಲಗಿಸಿ: ರಾಹುಲ್​​ ಗಾಂಧಿ

ನೋಟ್ ಬ್ಯಾನ್​  ಹಾಗೂ ಜಿಎಸ್​ಟಿ ಜಾರಿಗೆ ಬಂದ ನಂತರ ದೇಶದ ಚುನಾವಣಾ ವ್ಯವಸ್ಥೆಯೇ ಬುಡಮೇಲಾಗಿದೆ ಎಂದು ರಾಹುಲ್ ಗಾಂಧಿ ಆರೋಪಿಸಿದರು.

ಮೈಸೂರು: ಕರ್ನಾಟಕದಿಂದ ಬಿಜೆಪಿಯನ್ನು ಈ ಲೋಕಸಭಾ ಚುನಾವಣೆಯಲ್ಲಿ ತೊಲಗಿಸಿ ಎಂದು ಎಐಸಿಸಿ ರಾಹುಲ್​ ಗಾಂಧಿ ಕರೆ ನೀಡಿದರು.

ಇಂದು ಕೆ.ಆರ್. ನಗರದಲ್ಲಿ ಸಾರ್ವಜನಿಕ ಸಭೆ ಉದ್ದೇಶಿಸಿ ಮಾತನಾಡಿದ ರಾಹುಲ್ ಗಾಂಧಿ, ಈ ಚುನಾವಣೆ ನ್ಯಾಯ-ಅನ್ಯಾಯ, ಸತ್ಯ-ಅಗತ್ಯತೆಗಳ ನಡುವೆ ನಡೆಯುತ್ತಿದೆ. ಹಾಗಾಗಿ ಕರ್ನಾಟಕದಿಂದ ಬಿಜೆಪಿ ತೊಲಗಿಸಬೇಕೆಂದು ಕರೆ ನೀಡಿದ ರಾಹುಲ್‌, ನೋಟ್ ಬ್ಯಾನ್​ ಹಾಗೂ ಜಿಎಸ್​ಟಿ ಜಾರಿಗೆ ಬಂದ ನಂತರ ದೇಶದ ಚುನಾವಣಾ ವ್ಯವಸ್ಥೆಯೇ ಬುಡಮೇಲಾಗಿದೆ ಎಂದು ಆರೋಪಿಸಿದರು.

ಕಾಂಗ್ರೆಸ್ ಅಧಿಕಾರಕ್ಕೆ ಬಂದರೆ ಜಿಎಸ್​ಟಿಯನ್ನು ತೆಗೆದು ಹಾಕುತ್ತೇವೆ. ನರೇಂದ್ರ ಮೋದಿ ಈ ದೇಶದ ಜನರ ಚೌಕಿದಾರ ಅಲ್ಲ. ಬದಲಾಗಿ ಅನಿಲ್ ಅಂಬಾನಿ ಅಂತಹ ಶ್ರೀಮಂತರ ಚೌಕಿದಾರ. ಕಾಂಗ್ರೆಸ್ ಅಧಿಕಾರಕ್ಕೆ ಬಂದರೆ ಪ್ರತ್ಯೇಕ ರೈತರ ಬಜೆಟ್ ಮಂಡಿಸುತ್ತೇವೆ ಎಂದರು.