ಮಕ್ಕಳ ವಯಸ್ಸು ಪತ್ತೆಗೆ ಸಾರಿಗೆ ಇಲಾಖೆ ಹೊಸ ಪ್ಲಾನ್.. ಬಸ್​​ನಲ್ಲಿ ಇನ್ಮುಂದೆ ನೂತನ ಮಾನದಂಡ

ಮಕ್ಕಳಿಗೆ ಕಡಿಮೆ ವಯಸ್ಸು ಹೇಳಿ ಸಾರಿಗೆ ಇಲಾಖೆ ಬಸ್​ನಲ್ಲಿ ಪ್ರಯಾಣಿಸುವ ಪೋಷಕರು ಟಿಕೆಟ್​ ತಪ್ಪಿಸಿ ಓಡಾಡುತ್ತಿರುವುದು ಅಧಿಕಾರಿಗಳ ಗಮನಕ್ಕೆ ಬಂದಿತ್ತು. ಈ ಹಿನ್ನೆಲೆ ಬಸ್​ನಲ್ಲಿ ಅವರ ಯವಸ್ಸು ಕಂಡುಕೊಳ್ಳಲು ಹೊಸ ಮಾನದಂಡ ಪ್ರಯೋಗಿಸಲು ಇಲಾಖೆ ಮುಂದಾಗಿದೆ.

ಮೈಸೂರು: ಸಾರಿಗೆ ಬಸ್​​​ನಲ್ಲಿ ಪೋಷಕರೊಂದಿಗೆ ಮಕ್ಕಳು ಪ್ರಯಾಣ ಮಾಡುವಾಗ ಇನ್ಮುಂದೆ ಅವರ ವಯಸ್ಸನ್ನು ಕಡಿಮೆ ಹೇಳಿ ಸಿಕ್ಕಿ ಬೀಳಬೇಡಿ. ಏಕೆಂದರೆ ಮೈಸೂರು ನಗರ ಸಾರಿಗೆ ಹೊಸ ಮಾನದಂಡ ಪ್ರಯೋಗಿಸಲು ಮುಂದಾಗಿದೆ.

ಮೈಸೂರು ನಗರ ಸಾರಿಗೆ ಬಸ್​​​ನಲ್ಲಿ ಪೋಷಕರ ಜೊತೆ ಚಿಕ್ಕ ಮಕ್ಕಳು ಪ್ರಯಾಣ ಮಾಡುವಾಗ, ಚಿಕ್ಕ ಮಕ್ಕಳಿಗೆ ಟಿಕೆಟ್ ತೆಗೆದುಕೊಳ್ಳಿ ಎಂದರೆ ಕಂಡಕ್ಟರ್ ಜೊತೆ ಪೋಷಕರು ಗಲಾಟೆಗೆ ಇಳಿದು, ನನ್ನ ಮಗ ಚಿಕ್ಕವನು ಎಂದು ಕಾರಣ ಹೇಳಿ ತಪ್ಪಿಸಿಕೊಳ್ಳುತ್ತಾರೆ.

ಇದನ್ನು ಗಮನಿಸಿದ ಸಾರಿಗೆ ಇಲಾಖೆಯ ಅಧಿಕಾರಿಗಳು ಬಸ್​​ನ ಒಳಗೆ ಇರುವ ಕಂಬಗಳಿಗೆ ಬಿಳಿ ಬಣ್ಣ ಬಳಿದಿದ್ದು, ಬಿಳಿ ಬಣ್ಣದ ಕೆಳಗಿದ್ದರೆ ಆ ಮಗು ವಯಸ್ಸಿನಲ್ಲಿ ಕಡಿಮೆ ಇದೆ ಅದಕ್ಕೆ ಉಚಿತ ಪ್ರಯಾಣ. ಬಿಳಿ ಬಣ್ಣದ ಸಮಾನವಾಗಿ ಇದ್ದರೆ ಅರ್ಧ ಟಿಕೆಟ್, ಬಿಳಿ ಬಣ್ಣ ಮೇಲಿದ್ದರೆ ಆ ಮಗು ಪೂರ್ತಿ ಟಿಕೆಟ್ ಎಂಬ ಮಾನದಂಡವನ್ನು ನಗರ ಸಾರಿಗೆಯಲ್ಲಿ ಅಳವಡಿಸಿದ್ದು ಪ್ರಾಯೋಗಿಕವಾಗಿ ಜಾರಿ ಮಾಡಲಾಗಿದೆ.

ಇದನ್ನೂ ಓದಿ:ಮಾಜಿ ಸಿಎಂ ಸಿದ್ದರಾಮಯ್ಯ ಹೆಸರು ಹೇಳದೇ ಟಾಂಗ್ ಕೊಟ್ಟ ಕಾಂಗ್ರೆಸ್ ಶಾಸಕ ತನ್ವೀರ್ ಸೇಠ್