ಬೇಗೂರು ಅರಣ್ಯ ವ್ಯಾಪ್ತಿಯಲ್ಲಿ ಅನಾರೋಗ್ಯದಿಂದ ಗಂಡು ಹುಲಿ ಸಾವು

ಅನಾರೋಗ್ಯದಿಂದ ಆಹಾರ ಸೇವಿಸಲಾಗದೆ ಗಂಡು ಹುಲಿಯೊಂದು ಮೃತಪಟ್ಟಿರುವ ಘಟನೆ ಮೈಸೂರಿನ ಎಚ್.ಡಿ.ಕೋಟೆ ತಾಲೂಕಿನ ಎನ್ ಬೇಗೂರು ಅರಣ್ಯ ವಲಯ ವ್ಯಾಪ್ತಿಯಲ್ಲಿ ನಡೆದಿದೆ.

ಮೈಸೂರು:ಎಚ್.ಡಿ.ಕೋಟೆ ತಾಲೂಕಿನ ಎನ್ ಬೇಗೂರು ಅರಣ್ಯ ವಲಯದಲ್ಲಿ ಅನಾರೋಗ್ಯದಿಂದ ಗಂಡು ಹುಲಿಯೊಂದು ಮೃತಪಟ್ಟಿದೆ.

ಅರಣ್ಯ ವಲಯದ ಸೋರದಹಳ್ಳದ ಬಳಿ ಸುಮಾರು 4 ದಿನಗಳ ಹಿಂದೆ ಸುಮಾರು 7-8 ವರ್ಷದ ಗಂಡು ಹುಲಿ ಅನಾರೋಗ್ಯದಿಂದ ಆಹಾರ ಸೇವಿಸಲಾಗದೆ ಸಾವನ್ನಪ್ಪಿದೆ ಎಂದು ಅರಣ್ಯ ಅಧಿಕಾರಿಗಳು ಹಾಗೂ ವೈದ್ಯರು ಅಭಿಪ್ರಾಯಪಟ್ಟಿದ್ದಾರೆ.

ಗಂಡು ಹುಲಿ ಸಾವು

ಹುಲಿಯ ಹೊಟ್ಟೆ ಖಾಲಿ ಇದೆ. ಅದು ಸತ್ತು 4 ದಿನ ಆಗಿದ್ದರಿಂದ ಮೃತ ದೇಹ ಡಿ ಕಂಪೋಸ್ ಆಗಿದೆ. ಹೀಗಾಗಿ, ಪ್ರಯೋಗಾಲಯದಲ್ಲಿ ಪರೀಕ್ಷೆ ಸಾಧ್ಯವಿಲ್ಲ ಎನ್ನಲಾಗಿದೆ. ಹುಲಿ ಅನಾರೋಗ್ಯದಿಂದ ಆಹಾರ ಸೇವಿಸಲಾಗದೆ ಸಾವನ್ನಪ್ಪಿರಬಹುದು ಎಂದು ಪಶು ವೈದ್ಯ ಡಾ.ನಾಗರಾಜ್ ತಿಳಿಸಿದ್ದಾರೆ.