ಮೈಸೂರು ಡಿಸಿ ಬಗಾದಿ ಗೌತಮ್, 5 ವರ್ಷದ ಮಗ ಸೇರಿ ಮೂವರಿಗೆ ಕೊರೊನಾ ದೃಢ!

ಜಿಲ್ಲಾಧಿಕಾರಿ ಬಗಾದಿ ಗೌತಮ್, ಅವರ ತಂದೆ ಹಾಗೂ ಐದು ವರ್ಷದ ಮಗನಿಗೆ ಕೊರೊನಾ ಸೋಂಕು ತಗುಲಿದೆ. ಅವರ ಪತ್ನಿ ಮಂಡ್ಯದಲ್ಲಿದ್ದು, ಅವರಿಗೆ ಸೋಂಕು ತಗುಲಿಲ್ಲ.

ಮೈಸೂರು:ಜಿಲ್ಲಾಧಿಕಾರಿ ಡಾ. ಬಗಾದಿ ಗೌತಮ್ ಹಾಗೂ ಅವರ ಕುಟುಂಬಸ್ಥರಿಗೆ ಕೊರೊನಾ ಸೋಂಕು ತಗುಲಿದೆ.

ಸೋಂಕಿನ ಲಕ್ಷಣಗಳು ಕಂಡು ಬಂದ ಹಿನ್ನೆಲೆ ಭಾನುವಾರ ಸಂಜೆ ಬಗಾದಿ ಗೌತಮ್, ಅವರ ತಂದೆ, ಐದು ವರ್ಷದ ಮಗ ಕೊರೊನಾ ಪರೀಕ್ಷೆ ಮಾಡಿಸಿದ್ದಾರೆ. ಈ ವೇಳೆ ಮೂವರಿಗೂ ಸೋಂಕು ತಗುಲಿರುವುದು ದೃಢಪಟ್ಟಿದೆ.

ಇದನ್ನೂ ಓದಿ: ಶುಕ್ರವಾರದವರೆಗೂ ಕಠಿಣ ನಿಯಮ ಮುಂದುವರಿಕೆ: ಸಿಎಂ ಸಭೆಯ ಮಹತ್ವದ ನಿರ್ಧಾರಗಳಿವು..

ಕಳೆದ ಹಲವಾರು ದಿನಗಳಿಂದ ಮೈಸೂರಿನ ವಿವಿಧ ಆಸ್ಪತ್ರೆ, ತಾಲೂಕುಗಳಿಗೆ ಬಗಾದಿ ಗೌತಮ್ ಭೇಟಿ ನೀಡಿದ್ದರು. ಪತ್ನಿ ಮಂಡ್ಯ ಜಿಲ್ಲಾಧಿಕಾರಿ ಡಾ. ಅಶ್ವಥಿ ಅವರು ಹಲವು ದಿನಗಳಿಂದ ಮಂಡ್ಯದಲ್ಲೇ ಉಳಿದಿದ್ದರು. ಅವರಿಗೆ ಕೋವಿಡ್​ ತಗುಲಿಲ್ಲ ಎಂಬ ಮಾಹಿತಿ ಸಿಕ್ಕಿದೆ.