ಮೈಸೂರು: ಸಾಲಬಾಧೆ ಹಿನ್ನೆಲೆಯಲ್ಲಿ ತೋಟದ ಮನೆಯಲ್ಲಿ ವಾಸವಿದ್ದ ದಂಪತಿ ಬಾವಿಗೆ ಹಾರಿ ಆತ್ಮಹತ್ಯೆ ಮಾಡಿಕೊಂಡಿರುವ ಪ್ರಕರಣ ಕೆ.ಆರ್ ನಗರ ತಾಲೂಕಿನ ಸಂಬರವಳ್ಳಿ ಗ್ರಾಮದಲ್ಲಿ ನಡೆದಿದೆ.
ಕೆ.ಆರ್ ನಗರ ತಾಲೂಕಿನ ಸಾಲಿಗ್ರಾಮ ಬಳಿಯ ಸಂಬರವಳ್ಳಿ ಎಂಬ ಗ್ರಾಮದ ತೋಟವೊಂದರಲ್ಲಿ ಬೆಟ್ಟಪ್ಪ(50), ಹೆಂಡತಿ ರುಕ್ಮಿಣಿ (40) ಮೃತರು. ಈ ದಂಪತಿ ಗ್ರಾಮದ ಸಮೀಪದಲ್ಲಿದ್ದ ಗುಲ್ ಮಹಮದ್ ಶಾಹಿದ್ ಎಂಬುವವರ ತೋಟವನ್ನು ಕಳೆದ 20 ವರ್ಷಗಳಿಂದ ನೋಡಿಕೊಂಡು, ತೋಟದಲ್ಲೇ ಮನೆ ಮಾಡಿಕೊಂಡು ವಾಸವಿದ್ದರು.
ಮಂಗಳವಾರ ರಾತ್ರಿ ದಂಪತಿ ಊಟ ಮುಗಿಸಿ, ತೋಟದ ಮನೆಗೆ ಗ್ರಾಮದಿಂದ ಹೋಗಿದ್ದು, ಬುಧವಾರ ಬೆಳಗ್ಗೆ ತೋಟದ ಬಾವಿಯಲ್ಲಿ ಶವವಾಗಿ ಪತ್ತೆಯಾಗಿದ್ದಾರೆ. ಎಂದಿನಂತೆ ನಿನ್ನೆ ತೋಟಕ್ಕೆ ಬಂದ ಮಾಲೀಕ ಗುಲ್ ಮಹಮದ್ ಶಾಹಿದ್ ಮನೆಯಿಂದ ಫೋನ್ ಮಾಡಿದ್ದರು. ಆಗ ಕರೆಗೆ ಪ್ರತಿಕ್ರಿಯೆ ಬರದ ಹಿನ್ನೆಲೆಯಲ್ಲಿ ತೋಟದ ಮನೆಗೆ ಬಂದು ಪರಿಶೀಲನೆ ನಡೆಸಿದಾಗ ಎಲ್ಲೂ ದಂಪತಿ ಕಾಣಲಿಲ್ಲ.