ಕೊರೊನಾ ಭೀತಿ: ಮೈಸೂರಲ್ಲಿ ಟ್ರಿನ್ ಟ್ರಿನ್ ಸೈಕಲ್ ಸೇವೆ ಬಂದ್​

ಕೊರೊನಾ ಭೀತಿಯಿಂದ ಮೈಸೂರಲ್ಲಿ ಟ್ರಿನ್ ಟ್ರಿನ್ ಸೈಕಲ್ ಸೇವೆಯನ್ನು ಸಹ ಬಂದ್ ಮಾಡಲಾಗಿದೆ.

ಮೈಸೂರು: ಕೊರೊನಾ ಎಫೆಕ್ಟ್ ಹಿನ್ನೆಲೆಯಲ್ಲಿ ನಗರದಲ್ಲಿ ಟ್ರಿನ್ ಟ್ರಿನ್ ಸೈಕಲ್ ಸೇವೆಯನ್ನು ಸಹ ಬಂದ್ ಮಾಡಲಾಗಿದೆ.

ನಗರದ ಜನಸಾಮಾನ್ಯರು, ಪ್ರವಾಸಿಗರು, ವಿದ್ಯಾರ್ಥಿಗಳ ಸೇವೆಗೆಂದು ಆರಂಭಿಸಿದ್ದ ಟ್ರಿನ್ ಟ್ರಿನ್ ಸೇವೆಯನ್ನು ಸಹ ಕೊರೊನಾ ಭೀತಿ ಹಿನ್ನೆಲೆಯಲ್ಲಿ ಬಂದ್ ಮಾಡಲಾಗಿದ್ದು, ಎಲ್ಲಾ ಸ್ಟ್ಯಾಂಡ್​ಗಳಲ್ಲಿದ್ದ ಸೈಕಲ್​ಗಳನ್ನು ವಾಪಸ್ ತೆಗೆದುಕೊಂಡು ಹೋಗಲಾಗಿದೆ. ವಿದೇಶಿಗರು ಸೈಕಲ್ ಬಳಸುವುದರಿಂದ ಮುನ್ನೆಚ್ಚರಿಕೆ ಕ್ರಮವಾಗಿ ಈ ಕ್ರಮ ಕೈಗೊಳ್ಳಲಾಗಿದೆ ಎಂದು ದೂರವಾಣಿ ಮೂಲಕ ಜಿಲ್ಲಾಧಿಕಾರಿ ಅಭಿರಾಮ್ ಜಿ. ಶಂಕರ್ ತಿಳಿಸಿದ್ದಾರೆ.

ಈ ಟ್ರಿನ್ ಟ್ರಿನ್ ಸೇವೆಯನ್ನು ಬಂದ್ ಮಾಡುವ ಅವಶ್ಯಕತೆ ಇರಲಿಲ್ಲ. ಆದರೂ ವಿದೇಶಿಗರು ಕೆಲವು ಸಲ ಉಪಯೋಗಿಸುವುದಿಲ್ಲ. ಆ ಭಾಗದಲ್ಲಿ ಟ್ರಿನ್ ಟ್ರಿನ್ ಸೇವೆಗೆ ನಿರ್ಬಂಧ ಹೇರಿರುವುದು ಸರಿಯಲ್ಲ ಎನ್ನುತ್ತಾರೆ ಪ್ರವಾಸಿ ವಿನಯ್.