ಬದುಕಿ, ಬದುಕಲಿ ಬಿಡಿ: ಹಸಿವಿನಿಂದ ಬಳಲುವ ಕೋತಿಗಳಿಗೆ ಆಹಾರ ನೀಡಿದ ಜನತೆ

ಕೊರೊನಾ ವೈರಸ್​​ನಿಂದಾಗಿ ದೇಶ ಲಾಕ್​​​ಡೌನ್ ಸ್ಥಿತಿಯಲ್ಲಿದೆ. ಇಂಥ ಸಂದರ್ಭದಲ್ಲಿ ಕಾಡು ಪ್ರಾಣಿಗಳಿಗೂ ಆಹಾರ ಸಿಗದೆ ಸಂಕಷ್ಟಕ್ಕೆ ಸಿಲುಕಿವೆ. ಇದ್ರಿಂದ ಮೈಸೂರಿನಲ್ಲಿ ಹಲವು ದಿನಗಳಿಂದ ಆಹಾರ ಸಿಗದೆ ಕಂಗಾಲಾಗಿ ಮರದ ಮೇಲೆ ಆಹಾರಕ್ಕಾಗಿ ಹಾತೊರೆಯುತ್ತಿದ್ದ ಕೋತಿಗಳಿಗೆ ಆಹಾರ ಮತ್ತು ನೀರು ನೀಡಿದ ಜನರು ಮಾನವೀಯತೆ ಮೆರೆದರು.

ಮೈಸೂರು:ಕೆಲ ದಿನಗಳಿಂದ ಆಹಾರ ಸಿಗದೆ ಬಳಲಿ ಮರದ ಮೇಲೆ ಕೂತಿದ್ದ ಕೋತಿಗಳಿಗೆ ಆಹಾರ ಮತ್ತು ನೀರು ನೀಡಿ ಪ್ರಾಣಿಪ್ರಿಯರು ಮಾನವೀಯತೆ ಮೆರೆದರು.

ನಗರದ ವೈದ್ಯಕೀಯ ಹಾಸ್ಟೆಲ್​ ಆವರಣದಲ್ಲಿದ್ದ ಮರದ ಮೇಲೆ ಆಹಾರ ಸಿಗದೆ ಹಸಿವಿನಿಂದ ಬಳಲುತ್ತಿದ್ದ ಕೋತಿಗಳನ್ನು ನೋಡಿದ ಜನರು ಬಿಸ್ಕೆಟ್, ಬಾಳೆಹಣ್ಣು ಮತ್ತು ನೀರು ನೀಡಿದರು.