ದೇವರ ಅರ್ಚನೆಗೆ ಬೈಬೈ... ಮೊಬೈಲ್​​​​​​ ಸರ್ಚ್​​ ಇಂಜಿನ್​​ನಲ್ಲಿ ಬ್ಯೂಸಿಯೋ ಬ್ಯೂಸಿ

ಕೊರೋನಾ ಭೀತಿ ಹಿನ್ನೆಲೆಯಲ್ಲಿ ಇಂದಿನಿಂದ ನಂಜನಗೂಡಿನ ಶ್ರೀ ಕಂಠೇಶ್ವರ ದೇವಸ್ಥಾನ ಬಂದ್ ಆಗಿದೆ. ಸದ್ಯ ಭಕ್ತಾದಿಗಳಿಲ್ಲದೇ ಬಿಕೋ ಎನ್ನುತ್ತಿರುವ ದೇವಸ್ಥಾನದಲ್ಲಿ ಅರ್ಚಕರು ಮೊಬೈಲ್ ಚಾಟಿಂಗ್​ ಮಾಡುತ್ತಾ ಕಾಲಕಳೆಯುತ್ತಿದ್ದಾರೆ.

ಮೈಸೂರು:ಕೊರೋನಾ ಭೀತಿ ಹಿನ್ನೆಲೆ ಇಂದಿನಿಂದ ನಂಜನಗೂಡಿನ ಶ್ರೀ ಕಂಠೇಶ್ವರ ದೇವಸ್ಥಾನ ಬಂದ್ ಆಗಿದ್ದು, ಭಕ್ತಾದಿಗಳಿಲ್ಲದೇ ಅರ್ಚಕರು ಮೊಬೈಲ್ ಚಾಟಿಂಗ್​ನಲ್ಲಿ ನಿರತರಾಗಿರುವ ವಿಡಿಯೋ ವೈರಲ್​ ಆಗಿದೆ.

ಕೊರೋನಾ ಭೀತಿ ಹಿನ್ನೆಲೆಯಲ್ಲಿ ಇತಿಹಾಸ ಪ್ರಸಿದ್ಧ ದಕ್ಷಿಣ ಕಾಶಿ ಶ್ರೀ ಕಂಠೇಶ್ವರ ದೇವಸ್ಥಾನವನ್ನು ಬಂದ್ ಮಾಡಲಾಗಿದ್ದು, ಇಂದಿನಿಂದ ಮಾರ್ಚ್ 31ರ ವರೆಗೂ ಭಕ್ತರಿಗೆ ಪ್ರವೇಶವಿಲ್ಲ. ಆದರೆ, ದೇವಾಲಯದಲ್ಲಿ ಎಂದಿನಂತೆ ಪೂಜಾ ಕಾರ್ಯಗಳು ನಡೆಯುತ್ತಿದ್ದು, ಪೂಜಾ ಕಾರ್ಯಗಳು ಮುಗಿದ ನಂತರ ಅರ್ಚಕರು ಮೊಬೈಲ್​ ಚಾಟಿಂಗ್ ಕಾರ್ಯದಲ್ಲಿ ನಿರತರಾಗಿದ್ದು, ದೇವಾಲಯದ ಆವರಣ ಬಿಕೋ ಎನ್ನುತಿದೆ.

ಇಂದು ದೇವಸ್ಥಾನಕ್ಕೆ ಬಂದ ಭಕ್ತರಿಗೆ ಒಳಗೆ ಪ್ರವೇಶಿಸಲು ದೇವಸ್ಥಾನದ ಆಡಳಿತ ಮಂಡಳಿ ಬಿಡದ ಕಾರಣ ಭಕ್ತರು ದೇವಾಲಯದ ಹೊರಗೆ ನಿಂತು ಪೂಜಾ ಕಾರ್ಯ ನಡೆಸಿ ಹಿಂತಿರುಗಿದರು.