ಗುತ್ತಿಗೆ ನೌಕರನ ಪ್ರತಿಭಟನೆಗೆ ಡಿಸಿಎಫ್ ಪ್ರಶಾಂತ್ ಕುಮಾರ್ ಪ್ರತಿಕ್ರಿಯೆ ಏನು ಗೊತ್ತಾ?

ಗುತ್ತಿಗೆ ನೌಕರರ ಬೋರೇಗೌಡನನ್ನ ಕಳೆದ ಸೆಪ್ಟೆಂಬರ್ ತಿಂಗಳಿನಲ್ಲಿಯೇ ಕೆಲಸದಿಂದ ತೆಗೆಯಲಾಗಿದೆ. ಕೆಲಸದಿಂದ ತೆಗೆಯುವ ಮುನ್ನ ಅರಣ್ಯ ಇಲಾಖೆ ಅವರಿಗೆ ನೀಡಬೇಕಾದ ಸಂಬಳವನ್ನು ನೀಡಿದೆ. ಇದಕ್ಕೆ ಅವರು ಚೆಕ್ ಪಡೆದಿರುವ ಸಹಿ ನಮ್ಮ ಬಳಿ ಇದೆ ಎಂದು ಡಿಸಿಎಫ್ ಡಾ. ಪ್ರಶಾಂತ್ ಕುಮಾರ್‌ ಸ್ಪಷ್ಟನೆ ನೀಡಿದರು.

ಮೈಸೂರು: ಕಳೆದ 6 ತಿಂಗಳಿಂದ ಸಂಬಳ ನೀಡಿಲ್ಲವೆಂದು ಕುಟುಂಬ ಸಮೇತ ಪ್ರತಿಭಟನೆ ನಡೆಸುತ್ತಿರುವ ‌‌ಅರಣ್ಯ ಇಲಾಖೆ ಗುತ್ತಿಗೆ ನೌಕರ ಬೋರೇಗೌಡನ ವಿರುದ್ಧ ಡಿಸಿಎಫ್ ಡಾ. ಪ್ರಶಾಂತ್ ಕುಮಾರ್ ಪ್ರತಿಕ್ರಿಯೆ ನೀಡಿದ್ದಾರೆ.

ತಮ್ಮ ಕಚೇರಿಯಲ್ಲಿ ಮಾಧ್ಯಮಗಳೊಂದಿಗೆ ಮಾತನಾಡಿದ ಅವರು, ಗುತ್ತಿಗೆ ನೌಕರರ ಬೋರೇಗೌಡನನ್ನ ಕಳೆದ ಸೆಪ್ಟೆಂಬರ್ ತಿಂಗಳಿನಲ್ಲಿಯೇ ಕೆಲಸದಿಂದ ತೆಗೆಯಲಾಗಿದೆ. ಕೆಲಸದಿಂದ ತೆಗೆಯುವ ಮುನ್ನ ಅರಣ್ಯ ಇಲಾಖೆ ಅವರಿಗೆ ನೀಡಬೇಕಾದ ಸಂಬಳವನ್ನು ನೀಡಿದೆ. ಇದಕ್ಕೆ ಅವರು ಚೆಕ್ ಪಡೆದಿರುವ ಸಹಿ ನಮ್ಮ ಬಳಿ ಇದೆ ಎಂದು‌ ಸ್ಪಷ್ಟನೆ ನೀಡಿದರು.

ಓದಿ: ದಯಾಮರಣಕ್ಕಾಗಿ ರಾಜ್ಯಪಾಲರಿಗೆ ಪತ್ರ ಬರೆದ ಅರಣ್ಯ ಇಲಾಖೆ ಗುತ್ತಿಗೆ ನೌಕರ

ಬೋರೇಗೌಡರು ನಿಯೋಜಿಸಿದ ಸ್ಥಳಗಳಲ್ಲಿ ಸರಿಯಾಗಿ ಕೆಲಸ ಮಾಡುತ್ತಿರಲಿಲ್ಲ. ‌ಆದರೂ, ಮಾನವೀಯತೆ ದೃಷ್ಟಿಯಿಂದ ಅವರಿಗೆ ಕೆಲಸ ಮಾಡಲು ಅವಕಾಶ ಮಾಡಿಕೊಡಲಾಗಿತ್ತು. ಸಂಬಳ ತಡೆ ಹಿಡಿದಿಲ್ಲ‌ ಎಂದು ಅವರು ಹೇಳಿದರು.