ಅಡುಗೆ ಮನೆ ಗ್ಯಾಸ್ ಸ್ಟವ್ ಕೆಳಗೆ ಬೆಚ್ಚಗೆ ಮಲಗಿದ್ದ ನಾಗರಹಾವು!

ಅಡುಗೆ ಮನೆಯ ಗ್ಯಾಸ್ ಸ್ಟವ್ ಕೆಳಗೆ ಮಲಗಿದ್ದ ನಾಗರ ಹಾವೊಂದು ಮಧ್ಯರಾತ್ರಿ ಮನೆ ಮಂದಿಯ ನಿದ್ದೆಗೆಡಿಸಿದೆ.

ಮೈಸೂರು:ಇಲ್ಲಿನ ನಿವಾಸಿ ಬಿಎಂಶ್ರೀ ಶಶಿ ಎಂಬುವರ ಮನೆಯ ಅಡುಗೆ ಮನೆಯಲ್ಲಿ ಸುಮಾರು 3 ಅಡಿ ಉದ್ದದ ನಾಗರ ಹಾವು ಗ್ಯಾಸ್ ಸ್ಟವ್ ಕೆಳಗೆ ಮಲಗಿತ್ತು. ಅಡುಗೆ ಮನೆಯಲ್ಲಿ ಏನೋ ಬಿದ್ದಂತೆ ಶಬ್ದವಾಗಿದೆ ಎಂದು ಮಹಿಳೆ ಬಂದು ನೋಡಿದಾಗ, ಸ್ಟವ್​ ಕೆಳಗೆ ನಾಗರ ಹಾವು ಮಲಗಿರುವುದನ್ನು ಗಮನಿಸಿದ್ದಾರೆ.

ಕೂಡಲೇ ಮನೆಯವರು ಉರಗ ತಜ್ಞ ಸ್ನೇಕ್ ಸೂರ್ಯಕೀರ್ತಿ ಅವರಿಗೆ ಕರೆ ಮಾಡಿ ವಿಷಯ ತಿಳಿಸಿದ್ದು, ಅವರು ಸ್ಥಳಕ್ಕೆ ಬಂದು ಹಾವನ್ನು ಸುರಕ್ಷಿತವಾಗಿ ಹಿಡಿದು ಕಾಡಿಗೆ ಬಿಟ್ಟರು.

ಇದನ್ನೂ ಓದಿ:ಗಂಡನ ಮನೆಯವರ ಹಣದ ದಾಹಕ್ಕೆ ಸರ್ಕಾರಿ ಆಸ್ಪತ್ರೆ ಸ್ಟಾಫ್ ನರ್ಸ್ ಬಲಿ!