ಮೈಸೂರು: ಕೊರೊನಾ ವೈರಾಣು ಹರಡುವಿಕೆ ತಡೆಯುವ ಸಲುವಾಗಿ ನಗರದಲ್ಲಿಂದು ಸಂಪೂರ್ಣ ಲಾಕ್ಡೌನ್ ಮಾಡಲಾಗಿತ್ತು. ಈ ವೇಳೆ ಸೈಕ್ಲಿಸ್ಟ್ ಒಬ್ಬ ಮಾಸ್ಕ್ ಧರಿಸದೆ ಸೈಕಲ್ನಲ್ಲಿ ಸಂಚರಿಸುತ್ತಿದ್ದ. ಇದನ್ನು ಕಂಡ ಪೊಲೀಸರು ವ್ಯಕ್ತಿಯನ್ನು ತಡೆದು ಮಾಸ್ಕ್ ಧರಿಸಿಕೊಳ್ಳಿ ಎಂದು ಹೇಳಿದ್ದಾರೆ.
ಮಾಸ್ಕ್ ಧರಿಸದೇ ಸೈಕಲ್ನಲ್ಲಿ ಸಂಚರಿಸುತ್ತಿದ್ದ ವೈದ್ಯನಿಗೆ ಪೊಲೀಸರ ತರಾಟೆ, ವಾಗ್ವಾದ - ಮೈಸೂರು ಸೈಕ್ಲಿಸ್ಟ್
ಮೈಸೂರಿನ ಆಯುರ್ವೇದಿಕ್ ವೃತ್ತದಲ್ಲಿ ಸೈಕಲ್ ಏರಿ ಬರುತ್ತಿದ್ದ ವೈದ್ಯನಿಗೆ ಮಾಸ್ಕ್ ಧರಿಸಿ ಎಂದು ಹೇಳಿದ್ದೇ ತಪ್ಪಾಯ್ತಾ? ಈ ಎಚ್ಚರಿಕೆಗೆ ಬೆಲೆ ಕೊಡದ ಆತ ಪೊಲೀಸರೊಂದಿಗೆ ರಸ್ತೆ ಮಧ್ಯದಲ್ಲೇ ವಾಗ್ವಾದಕ್ಕಿಳಿದ ಘಟನೆ ನಡೆದಿದೆ.
ಮಾಸ್ಕ್ ಧರಿಸದೆ ಸೈಕಲ್ನಲ್ಲಿ ಸಂಚರಿಸುತ್ತಿದ್ದ ವೈದ್ಯನಿಗೆ ಪೊಲೀಸರ ತರಾಟೆ, ವಾಗ್ವಾದ
ಈ ವೇಳೆ ಆತ ಪೊಲೀಸರಿಗೆ ನಾನು ಒಬ್ಬ ವೈದ್ಯ, ನನಗೆ ಮಾಸ್ಕ್ ಅವಶ್ಯಕತೆ ಇಲ್ಲ. ವ್ಯಾಯಾಮ ಮಾಡುವಾಗ ಮಾಸ್ಕ್ ಬೇಡವೆಂದು ಪೊಲೀಸರ ಜೊತೆ ಮಾತಿನ ಚಕಮಕಿ ನಡೆಸಿದ್ದಾನೆ.
ಪೊಲೀಸರೊಂದಿಗೆ ವೈದ್ಯನ ವಾಗ್ವಾದ
ಪೊಲೀಸರು ನಮ್ಮ ಕರ್ತವ್ಯಕ್ಕೆ ಅಡ್ಡಿಪಡಿಸಬೇಡಿ, ದಯವಿಟ್ಟು ಮಾಸ್ಕ್ ಧರಿಸಿ ಎಂದಿದ್ದಾರೆ. ಈ ವೇಳೆ ಪೊಲೀಸರ ಮಾತು ನಿರ್ಲಕ್ಷಿಸಿ ಅವರ ವಿಡಿಯೋ ಮಾಡಲು ಮುಂದಾಗಿದ್ದಾನೆ. ಈ ವೇಳೆ ಸಾರ್ವಜನಿಕರು ಮಧ್ಯಪ್ರವೇಶಿಸಿ ಪೊಲೀಸರ ಕರ್ತವ್ಯಕ್ಕೆ ಸಹಕರಿಸಿ ಎಂದು ಬುದ್ಧಿವಾದ ಹೇಳಿ ಕಳುಹಿಸಿಕೊಟ್ಟರು.