ಮೈಸೂರು: ವಿವಿಧ ಪೊಲೀಸ್ ಠಾಣೆಗಳ ವ್ಯಾಪ್ತಿಯಲ್ಲಿ ಬೈಕ್ ಕಳ್ಳತನ ಮಾಡಿದ್ದ ಇಬ್ಬರು ಆರೋಪಿಗಳನ್ನು ಮಂಡಿ ಠಾಣೆ ಸಿಬ್ಬಂದಿ ಬಂಧಿಸಿ, 3.10 ಲಕ್ಷ ಮೌಲ್ಯದ 9 ಬೈಕ್ಗಳನ್ನು ವಶಪಡಿಸಿಕೊಂಡಿದ್ದಾರೆ.
ನಗರದ ಕಲ್ಯಾಣಗಿರಿ ನಿವಾಸಿ ವಾಸಿಂಪಾಷ (22) ಮತ್ತು ರಾಜೀವ್ ನಗರದ ನಿವಾಸಿ ಸಂದೀಪ್ ಅಲಿಯಾಸ್ ದುರ್ಗ ಸಂದೀಪ್ (20) ಬಂಧಿತ ಆರೋಪಿಗಳಾಗಿದ್ದಾರೆ.
ಆರೋಪಿ ವಾಸಿಂ ಪಾಷ, ವರುಣಾ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ 4 ಬೈಕ್ ಕಳ್ಳತನ ಮಾಡಿದ್ದಾನೆ. ಇನ್ನೋರ್ವ ಆರೋಪಿ ಸಂದೀಪ್, ಶ್ರೀರಂಗಪಟ್ಟಣ ಟೌನ್, ಜಯಲಕ್ಷ್ಮಿಪುರಂ, ಕುವೆಂಪು ನಗರ, ಉದಯಗಿರಿ ವ್ಯಾಪ್ತಿಯಲ್ಲಿ ತಲಾ ಒಂದೊಂದು ಬೈಕ್‌ಗಳಂತೆ ಕಳವು ಮಾಡಿರುವುದಾಗಿ ತಪ್ಪೊಪ್ಪಿಕೊಂಡಿದ್ದಾನೆ.
ಪೊಲೀಸರು ಆರೋಪಿಗಳಿಂದ 3.10 ಮೌಲ್ಯದ 9 ಬೈಕ್ಗಳನ್ನು ವಶಕ್ಕೆ ಪಡೆದಿದ್ದಾರೆ.
