ಸೋಮನಾಥಪುರದಲ್ಲಿ ಕಾಲಬೈರವೇಶ್ವರನ ರೂಪದ ಪುರಾತನ ವಿಗ್ರಹ ಪತ್ತೆ

ಸೋಮನಾಥಪುರ ಗ್ರಾಮದಲ್ಲಿರುವ ಪುರಾತನ ಪಂಚಲಿಂಗೇಶ್ವರ ದೇವಾಲಯದ ಜೀರ್ಣೋದ್ಧಾರದ ಕಾಮಗಾರಿ ನಡೆಯುತ್ತಿರುವ ವೇಳೆ ದೇವಸ್ಥಾನದ ಸಮೀಪ ಅಡಿಪಾಯವನ್ನು ತೆಗೆಯುತ್ತಿದ್ದ ವೇಳೆ ಪುರಾತನ ವಿಗ್ರಹ ಪತ್ತೆಯಾಗಿದೆ.

ಮೈಸೂರು: ಸೋಮನಾಥಪುರ ಗ್ರಾಮದಪಂಚಲಿಂಗೇಶ್ವರದೇವಾಲಯದ ಜೀರ್ಣೋದ್ಧಾರದ ಕಾಮಗಾರಿ ನಡೆಯುತ್ತಿರುವ ವೇಳೆ ಪುರಾತನ ವಿಗ್ರಹ ಪತ್ತೆಯಾಗಿದೆ.

ಪತ್ತೆಯಾದ ಪುರಾತನ ವಿಗ್ರಹ

ತಿ.ನರಸೀಪುರ ತಾಲೂಕಿನ ಸೋಮನಾಥಪುರ ಗ್ರಾಮದಲ್ಲಿರುವ ಪುರಾತನ ಪಂಚಲಿಂಗೇಶ್ವರ ದೇವಾಲಯದ ಜೀರ್ಣೋದ್ಧಾರದ ಕಾಮಗಾರಿ ನಡೆಯುತ್ತಿರುವ ವೇಳೆ ದೇವಸ್ಥಾನದ ಪಕ್ಕ ಅಡಿಪಾಯವನ್ನು ತೆಗೆಯುತ್ತಿದ್ದಾಗ ಸುಮಾರು 1.50 ಅಡಿ ಎತ್ತರದ ಕಾಲಬೈರವೇಶ್ವರನ ರೂಪದಲ್ಲಿರುವ ಅಮೃತ ಶಿಲೆಯಂತಿರುವ ಪುರಾತನ ವಿಗ್ರಹ ದೊರೆತಿದೆ.

ಸ್ಥಳಕ್ಕೆ ತಿ.ನರಸೀಪುರ ಪೊಲೀಸರ ಭೇಟಿ

ಸ್ಥಳಕ್ಕೆ ತಿ.ನರಸೀಪುರ ಪೊಲೀಸರು ಹಾಗೂ ಸ್ಥಳೀಯ ಪಂಚಾಯತ್​ ಅಭಿವೃದ್ಧಿ ಅಧಿಕಾರಿಗಳು ಆಗಮಿಸಿ, ಈ ಪುರಾತನ ವಿಗ್ರಹವನ್ನು ತಾಲೂಕಿನ ಮುಜರಾಯಿ ಇಲಾಖೆಗೆ ಹಸ್ತಾಂತರಿಸಿದ್ದಾರೆ.