ಎಸಿ ಬಸ್ ಹತ್ತದ ಪ್ರಯಾಣಿಕರು: ಡಿಪೋಗೆ ಮರಳುತ್ತಿವೆ ಬಸ್​​​ಗಳು

ಎಸಿ ಬಸ್​​​ಗಳಲ್ಲಿ ಪ್ರಯಾಣಿಸಲು ಜನ ಹಿಂಜರಿಯುತ್ತಿರುವ ಕಾರಣ, ಬಸ್ ನಿಲ್ದಾಣಕ್ಕೆ ಬಂದ ಬಸ್​​​ಗಳು ವಾಪಸ್ ಡಿಪೋಗೆ ತೆರಳುತ್ತಿವೆ.

ಮೈಸೂರು:ಕೊರೊನಾ ಸೋಂಕು ಭೀತಿ ಹಿನ್ನೆಲೆಯಲ್ಲಿ ಪ್ರಯಾಣಿಕರು ಎಸಿ ಬಸ್​​​ಗಳನ್ನು ಏರಲು ಹಿಂಜರಿಯುತ್ತಿದ್ದಾರೆ. ಹೀಗಾಗಿ, ಎಸಿ ಬಸ್ ಸಂಚಾರವನ್ನು ರದ್ದುಗೊಳಿಸಲಾಗಿದೆ.

ಕೆಎಸ್​​​​ಆರ್​​​ಟಿಸಿಯಿಂದ ಎಸಿ ಬಸ್​​​​ಗಳನ್ನು ಸಂಚಾರಕ್ಕೆ ಅನುಮತಿ ನೀಡಲಾಗಿತ್ತು. ಮೈಸೂರು ಗ್ರಾಮಾಂತರ ಬಸ್ ನಿಲ್ದಾಣದಿಂದ ಪ್ರತಿದಿನ ಬೆಂಗಳೂರು ಸೇರಿದಂತೆ ಎಲ್ಲಾ ಕಡೆ ಎಸಿ ಬಸ್​​​ಗಳ ಸಂಚರಿಸಲು ನಿರ್ಧಾರ ಕೈಗೊಳ್ಳಲಾಗಿತ್ತು.

ಪ್ರಯಾಣಿಕರಿಂದ ಬೇಡಿಕೆ ಬಂದರೆ ಮಾತ್ರ ಬಸ್​​ಗಳನ್ನು ಓಡಿಸುತ್ತೇವೆ. ಇಲ್ಲ ಅಂದರೆ ಓಡಿಸುವುದಿಲ್ಲ ಎಂದು ಮೈಸೂರು ಗ್ರಾಮಾಂತರ ವಿಭಾಗಿಯ ನಿಯಂತ್ರಣ ಅಧಿಕಾರಿ ಆರ್.ಅಶೋಕ್ ಅವರು ದೂರವಾಣಿ ಮೂಲಕ ಈಟಿವಿ ಭಾರತ್​​ಗೆ ತಿಳಿಸಿದ್ದಾರೆ.