ಮೈಸೂರು ಬೆಮಲ್ ಆವರಣದಲ್ಲಿ ತಾಯಿ ಮತ್ತು 4 ಚಿರತೆ ಮರಿಗಳ ಓಡಾಟ: ವಿಡಿಯೋ

BEML(ಬೆಮಲ್)ನ ಆವರಣದಲ್ಲಿ ಕಿರು ಅರಣ್ಯವಿರುವ ಕಾರಣ ಇಲ್ಲಿ ಚಿರತೆಯ ಓಡಾಟ ಸಾಮಾನ್ಯವಾಗಿದೆ. ಆದರೆ ಇಲ್ಲಿನ ಚಿರತೆಗಳು ಯಾವುದೇ ರೀತಿಯ ತೊಂದರೆ ಮಾಡಿಲ್ಲ‌ ಎಂದು ಡಿಸಿಎಫ್ ಪ್ರಶಾಂತ್ ತಿಳಿಸಿದ್ದಾರೆ.

ಮೈಸೂರು: BEML(ಬೆಮಲ್) ಕಂಪನಿಯ ಆವರಣದಲ್ಲಿ ತಾಯಿ ಚಿರತೆ ಮತ್ತು 4 ಮರಿಗಳು ರಾತ್ರಿ ವೇಳೆ ಓಡಾಡುತ್ತಿರುವ ದೃಶ್ಯ ಮೊಬೈಲ್​ನಲ್ಲಿ ಸೆರೆಯಾಗಿದೆ.

ನಗರದ ಹೊರ ವಲಯದಲ್ಲಿರುವ ಕೇಂದ್ರ ಸರ್ಕಾರದ ಬೆಮಲ್ ಕಂಪನಿಯ ಆವರಣದಲ್ಲಿ ತಾಯಿ ಚಿರತೆ ತನ್ನ 4 ಮರಿಗಳೊಂದಿಗೆ ಕಬ್ಬಿಣದ ಕಾಂಪೌಂಡ್ ಅನ್ನು ದಾಟಲು ಪ್ರಯತ್ನಿಸುತ್ತಿದ್ದವು. ಈ ವೇಳೆ ತಾಯಿ ಚಿರತೆ ಸರಾಗವಾಗಿ ಕಾಂಪೌಂಡ್ ಹತ್ತಿ ಹೋಗಿದೆ. ಆದರೆ ಮರಿಗಳು ಹತ್ತಲು ಸಾಧ್ಯವಾಗದೇ ಅಲ್ಲಿಯೇ ಓಡಾಟ ನಡೆಸಿದ್ದು, ಅದರಲ್ಲಿ ಒಂದು ಮರಿ ಮಾತ್ರ ಕಷ್ಟಪಟ್ಟು ಹತ್ತಿ ಕೆಳಗಿಳಿಯಲು ಆಗದೇ, ತಡೆಗೋಡೆ ಮೇಲೆ ಕುಳಿತ ದೃಶ್ಯವನ್ನು ಮೊಬೈಲ್​ನಲ್ಲಿ ಸ್ಥಳೀಯರು ಸೆರೆಹಿಡಿದಿದ್ದಾರೆ.

BEML(ಬೆಮಲ್)ನ ಆವರಣದಲ್ಲಿ ಕಿರು ಅರಣ್ಯವಿರುವ ಕಾರಣ ಇಲ್ಲಿ ಚಿರತೆಯ ಓಡಾಟ ಸಾಮಾನ್ಯವಾಗಿದೆ. ಆದರೆ ಇಲ್ಲಿನ ಚಿರತೆಗಳು ಯಾವುದೇ ರೀತಿಯ ತೊಂದರೆ ಮಾಡಿಲ್ಲ‌ ಎಂದು ಡಿಸಿಎಫ್ ಪ್ರಶಾಂತ್ ತಿಳಿಸಿದ್ದಾರೆ.