ಸಾರಿಗೆ ನೌಕರರ ಮುಷ್ಕರ : ಮೈಸೂರು ಕೆಎಸ್​ಆರ್​ಟಿಸಿ ವಿಭಾಗಕ್ಕೆ ಕೋಟ್ಯಂತರ ರೂ. ನಷ್ಟ

ಸಾರಿಗೆ ನೌಕರರ ಮುಷ್ಕರದಿಂದ ಕೆಎಸ್​ಆರ್​ಟಿಸಿ ಮೈಸೂರು ನಗರ ಮತ್ತು ಗ್ರಾಮಾಂತರ ವಿಭಾಗಕ್ಕೆ ಅಂದಾಜು 3.20 ಕೋಟಿ ನಷ್ಟವಾಗಿದೆ.

ಮೈಸೂರು : ಸಾರಿಗೆ ನೌಕರರ 4 ದಿನದ ಮುಷ್ಕರದಿಂದ ಕೆಎಸ್​ಆರ್​ಟಿಸಿ ಮೈಸೂರು ವಿಭಾಗಕ್ಕೆ ಕೋಟ್ಯಂತರ ರೂಪಾಯಿ ನಷ್ಟವಾಗಿದೆ.

ಕೆಎಸ್​ಆರ್​ಟಿಸಿ ಮೈಸೂರು ಗ್ರಾಮಾಂತರ ಮತ್ತು ನಗರ ವಿಭಾಗದಲ್ಲಿ ಅಂದಾಜು 3.20 ಕೋಟಿ ನಷ್ಟ ಉಂಟಾಗಿದೆ. ಈ ಪೈಕಿ ಗ್ರಾಮಾಂತರ ವಿಭಾಗದಲ್ಲಿ 2.40 ಕೋಟಿ ಮತ್ತು ನಗರ ಸಾರಿಗೆ ವಿಭಾಗದಲ್ಲಿ 80 ಲಕ್ಷ ರೂ. ನಷ್ಟ ಅಂದಾಜಿಸಲಾಗಿದೆ.

ಸರ್ಕಾರ ನೌಕರರ ಸಂಘದ ಮುಖಂಡರ ಜೊತೆ ನಡೆಸಿದ ಸಂದಾನ ಸಫಲವಾದ ಹಿನ್ನೆಲೆ, ನಿನ್ನೆ ಸಂಜೆಯಿಂದ ಸಾರಿಗೆ ಸೇವೆ ಪುನಾರಂಭವಾಗಿದ್ದು, ಇಂದು ಎಂದಿನಂತೆ ಬಸ್​ಗಳು ಓಡಾಡ್ತಿವೆ.