ಭಾರಿ ಮಳೆ-ಸಿಡಿಲಿಗೆ ಒಂದು ಮನೆ ಕುಸಿತ, ಮತ್ತೊಂದು ಮನೆ ಜಖಂ

ಕಳೆದ‌ ರಾತ್ರಿ ಮಂಡ್ಯದಲ್ಲಿ ಸುರಿದ ಭಾರಿ ಮಳೆ ಹಾಗೂ ಸಿಡಿಲಿಗೆ ಒಂದು ಮನೆ ಕುಸಿದು, ಮತ್ತೊಂದು ಮನೆ ಜಖಂಗೊಂಡ ಘಟನೆ ಕೆ.ಆರ್. ಪೇಟೆಯ ಹೊಸಹೊಳ ಬಡಾವಣೆಯಲ್ಲಿ ನಡೆದಿದೆ.

ಮಂಡ್ಯ:ಕಳೆದ‌ ರಾತ್ರಿ ಸುರಿದ ಭಾರಿ ಮಳೆ ಹಾಗೂ ಸಿಡಿಲಿಗೆ ಒಂದು ಮನೆ ಕುಸಿದು, ಮತ್ತೊಂದು ಮನೆ ಜಖಂಗೊಂಡಿರುವ ಘಟನೆ ಕೆ.ಆರ್. ಪೇಟೆಯ ಹೊಸಹೊಳ ಬಡಾವಣೆಯಲ್ಲಿ ನಡೆದಿದೆ.

ಬಡಾವಣೆಯ ನಿವಾಸಿಯಾದ ಮೀಸೆ ಶಿವಣ್ಣ ಎಂಬುವರ ಮನೆ ಕುಸಿದಿದ್ದರೆ, ವಿನೋದಮ್ಮ ಎಂಬವರ ಮನೆ ಜಖಂಗೊಂಡಿದೆ. ಆ ವೇಳೆ ಮನೆಯಲ್ಲಿದ್ದವರಿಗೆ ಅದೃಷ್ಟವಶಾತ್​ ಯಾವುದೇ ರೀತಿಯ ಪ್ರಾಣಾಪಾಯ ಸಂಭವಿಸಿಲ್ಲ. ಪುರಸಭೆ ಅಧಿಕಾರಿಗಳು, ಸದಸ್ಯರು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲಿಸಿದ್ದು, ಪರಿಹಾರದ ಭರವಸೆ ನೀಡಿದ್ದಾರೆ.