ಸನ್ನಿ ಲಿಯೋನ್ ಫ್ಯಾನ್ಸ್​ಗೆ ಬಂಪರ್​ ಆಫರ್​ ನೀಡಿದ ಮಂಡ್ಯದ ಗಂಡು.. ಆದ್ರೆ ಈ ಷರತ್ತುಗಳನ್ನು ಪಾಲಿಸ್ಲೇಬೇಕು!

ಮಂಡ್ಯ ನಗರದಲ್ಲೊಬ್ಬ ವಿಶೇಷ ಅಭಿಮಾನಿ ಇದ್ದಾನೆ. ಈತ ನಟಿ ಸನ್ನಿ ಲಿಯೋನ್ ಫಾಲೋ ಮಾಡಿದವರಿಗೆ ಭರ್ಜರಿ ಡಿಸ್ಕೌಂಟ್ ನೀಡ್ತಿದ್ದಾನೆ. ಆದ್ರೆ ಸನ್ನಿ ಲಿಯೋನ್​ ಫಾಲೋವರ್ಸ್​ ಮಾತ್ರ ಈ ಷರತ್ತುಗಳನ್ನು ಪಾಲಿಸಲೇಬೇಕು ಅನ್ನೋ ಕಂಡೀಷನ್​ ಹಾಕಿದ್ದಾನೆ.

ಮಂಡ್ಯ:ಸಾಮಾನ್ಯವಾಗಿ ಹಬ್ಬಗಳಲ್ಲಿ ರಿಯಾಯಿತಿ ನೀಡುವುದನ್ನು ನೋಡಿರುತ್ತೀರಿ. ಆದರೆ ನಗರದ ನೂರಡಿ ರಸ್ತೆಯ ಕರ್ನಾಟಕ ಬಾರ್ ವೃತ್ತದಲ್ಲಿರುವ ಚಿಕನ್ ಶಾಪ್​ವೊಂದು ಇದೆ. ಈ ಮಾಂಸ ಮಾರಾಟ ಅಂಗಡಿ ಇಟ್ಟುಕೊಂಡಿರುವ ಯುವಕನು ನಟಿ ಸನ್ನಿ ಲಿಯೋನ್ ಅಭಿಮಾನಿ. ಅವರ ಫಾಲೋವರ್ಸ್​ಗೆ ವರ್ಷಪೂರ್ತಿ ವಿಶೇಷ ಆಫರ್ ನೀಡುವ ಮೂಲಕ ಗಮನ ಸೆಳೆದಿದ್ದಾರೆ.

ವೈರಲ್​ ಚಿತ್ರ

ಶೇ.10ರಷ್ಟು ಡಿಸ್ಕೌಂಟ್​: ಪ್ರಸಾದ್ ಎಂಬಾತ ತನ್ನ ಅಂಗಡಿಯಲ್ಲಿ ಚಿಕನ್ ಖರೀದಿಸುವ ಸನ್ನಿ ಲಿಯೋನ್ ಅಭಿಮಾನಿಗಳಿಗೆ ಶೇ.10ರಷ್ಟು ಡಿಸ್ಕೌಂಟ್ ಕೊಡುವುದಾಗಿ ಬೋರ್ಡ್​ ಹಾಕಿದ್ದಾರೆ. ಸುಮ್ಮನೆ ಬಂದು ನಾನು ಸನ್ನಿ ಲಿಯೋನ್​ ಅಭಿಮಾನಿ ಎಂದರೆ ರಿಯಾಯಿತಿ ಸಿಗುವುದಿಲ್ಲ. ಆ ಅಭಿಮಾನಿ ಕೆಳಗಿನ ಮೂರು ಪ್ರಮುಖ ಷರತ್ತುಗಳನ್ನು ಪಾಲಿಸಿರಬೇಕು.

• ಮೊದಲನೇ ಷರತ್ತು:ಸಾಮಾಜಿಕ ಜಾಲತಾಣ ಫೇಸ್ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಸನ್ನಿ ಲಿಯೋನ್ ಅವರನ್ನು ಫಾಲೋ ಮಾಡುತ್ತಿರಬೇಕು.
• ಎರಡನೇ ಷರತ್ತು:ತಮ್ಮ ಮೊಬೈಲ್‌ಗಳಲ್ಲಿ ನಟಿಯ ಕನಿಷ್ಠ 10 ಫೋಟೋಗಳನ್ನು ಸಂಗ್ರಹಿಸಿಟ್ಟುಕೊಂಡಿರಬೇಕು.
• ಮೂರನೇ ಷರತ್ತು:ಅವರ ಎಲ್ಲ ಚಿತ್ರಗಳಿಗೂ ಆತ ಮೆಚ್ಚುಗೆ ಹಾಗೂ ಕಾಮೆಂಟ್ ಮಾಡಿರಬೇಕು.
  

  ಸನ್ನಿ ಲಿಯೋನ್ ಫ್ಯಾನ್ಸ್​ಗೆ ಬಂಪರ್​ ಆಫರ್​ ನೀಡಿದ ಮಂಡ್ಯದ ಗಂಡು

ಬೋರ್ಡ್​ ವೈರಲ್​:ಈ ಷರತ್ತುಗಳನ್ನು ಅನುಸರಿಸಿದ್ದ ಅಭಿಮಾನಿಗಳಿಗೆ ಈತನ ಚಿಕನ್​ ಅಂಗಡಿಯಲ್ಲಿ ಡಿಸ್ಕೌಂಟ್ ಸಿಗುತ್ತಿದೆ. ಸದ್ಯ ಈ ಡಿಸ್ಕೌಂಟ್​ ಬೋರ್ಡ್​ ವೈರಲ್ ಆಗುತ್ತಿದೆ.

ಸನ್ನಿ ಲಿಯೋನ್