ಮಂಡ್ಯ:ಎಸ್.ಎಸ್.ಎಲ್.ಸಿ ವಿದ್ಯಾರ್ಥಿಗಳು ಸ್ವಯಂ ಅಧ್ಯಯನ ಮಾಡಲು ಅನುಕೂಲವಾಗುವಂತೆ ಎಸ್.ಎಸ್.ಎಲ್.ಸಿ ಮಿತ್ರ ಎಂಬ ಶೈಕ್ಷಣಿಕ ಮೊಬೈಲ್ ಆ್ಯಪ್ ಅನ್ನು ಜಿಲ್ಲಾ ಶಿಕ್ಷಣ ಮತ್ತು ತರಬೇತಿ ಸಂಸ್ಥೆ ಅಭಿವೃದ್ಧಿಪಡಿಸಿದೆ.
ಕೋವಿಡ್ ಕಾರಣದಿಂದ ಶಾಲೆಗಳಿಗೆ ವಿದ್ಯಾರ್ಥಿಗಳು ಭೌತಿಕವಾಗಿ ಹಾಜರಾಗಲು ಸಾಧ್ಯವಾಗದ ಕಾರಣ, ಈ ವಿಶೇಷ ಆ್ಯಪ್ ಬಿಡುಗಡೆಗೊಳಿಸಲಾಗಿದೆ. ಈ ಆ್ಯಪ್‌ನಲ್ಲಿ 6 ವಿಷಯಗಳ ಎಲ್ಲಾ ಘಟಕಗಳಿಗೂ ಲಭ್ಯವಿರುವ ವಿಡಿಯೋ ಪಾಠಗಳು, ಸಂವೇದ ತರಗತಿಗಳು, ಆನ್ಲೈನ್ ಕ್ವಿಜ್, ಪ್ರಶ್ನೆಕೋಶ ಹಾಗು ಇತರೆ ಎಲ್ಲಾ ಇ- ಸಂಪನ್ಮೂಲಗಳನ್ನು ಒಂದೇ ಸೂರಿನಡಿ ಒದಗಿಸಲಾಗಿದೆ.
ಎಸ್.ಎಸ್.ಎಲ್.ಸಿ ಪರೀಕ್ಷಾ ಸಿದ್ಧತೆಯ ದೃಷ್ಠಿಯಿಂದ ಆ್ಯಪ್ ಬಹಳ ಉಪಯುಕ್ತವಾಗಿದ್ದು, ರಾಜ್ಯದ ಎಲ್ಲಾ ಎಸ್.ಎಸ್.ಎಲ್.ಸಿ ವಿದ್ಯಾರ್ಥಿಗಳು ಇದರ ಸದುಯೋಗ ಪಡೆದುಕೊಳ್ಳಬೇಕು ಎಂದು ಜಿಲ್ಲಾ ಶಿಕ್ಷಣ ಮತ್ತು ತರಬೇತಿ ಸಂಸ್ಥೆ ತಿಳಿಸಿದೆ. ಆ್ಯಪ್ ಡೌನ್ಲೋಡ್ ಮಾಡಿಕೊಳ್ಳಲು https://dietmandya.in/sslcmithra/ ಲಿಂಕ್ ಅಥವಾ ಕ್ಯೂ ಆರ್ ಕೋಡ್ ಅನ್ನು ಬಳಸಿ ಡೌನ್ಲೋಡ್ ಮಾಡಿಕೊಳ್ಳಬಹುದಾಗಿದೆ ಎಂದು ಮಂಡ್ಯ ಡಯಟ್‌ನ ಉಪನಿರ್ದೇಶಕರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
ಇದನ್ನೂ ಓದಿ: ಸಹಾಯದ ನೆಪದಲ್ಲಿ ಅತ್ಯಾಚಾರ: ವಿಡಿಯೋ ಸಮೇತ ದೂರಿನನ್ವಯ ಗೊಕಾಕ್‌ನಲ್ಲಿ ಆರೋಪಿ ಅರೆಸ್ಟ್
