ಕಾವೇರಿ ನದಿಯಲ್ಲಿ ಕೊರೊನಾ ಮೃತರ ಪಿಂಡ ಪ್ರದಾನ, ತಿಲತರ್ಪಣ

ಶ್ರೀರಂಗಪಟ್ಟಣದ ಸಂಗಮ, ಸ್ನಾನ ಘಟ್ಟ , ಪಶ್ಬಿಮವಾಹಿನಿ ಬಳಿ‌ ರಾಜ್ಯದ ವಿವಿಧೆಡೆಯಿಂದ ಸಂಬಂಧಿಕರು ಮೃತರ ಆತ್ಮಕ್ಕೆ ಸದ್ಗತಿ ದೊರಕಿಸಲು ಕಾವೇರಿ ನದಿಯಲ್ಲಿ ಅಸ್ಥಿ ವಿಸರ್ಜನೆ ಮಾಡುತ್ತಿದ್ದಾರೆ.

ಮಂಡ್ಯ: ರಾಜ್ಯದಲ್ಲಿ ಕೊರೊನಾದಿಂದ ಮೃತರ ಸಂಖ್ಯೆ ಹೆಚ್ಚಳ ಹಿನ್ನೆಲೆ ಮೃತರ ಅಸ್ಥಿ ತಂದು ಕಾವೇರಿ ನದಿಯಲ್ಲಿ ಪಿಂಡ ಪ್ರದಾನ, ತಿಲತರ್ಪಣ ಮಾಡುತ್ತಿದ್ದಾರೆ.

ಶ್ರೀರಂಗಪಟ್ಟಣದ ಸಂಗಮ, ಸ್ನಾನ ಘಟ್ಟ, ಪಶ್ಬಿಮವಾಹಿನಿ ಬಳಿ‌ ರಾಜ್ಯದ ವಿವಿಧೆಡೆಯಿಂದ ಬರುವ ಮೃತರ ಸಂಬಂಧಿಕರು ಇಹಲೋಕ ತ್ಯಜಿಸಿದವರ ಆತ್ಮಕ್ಕೆ ಸದ್ಗತಿ ದೊರಕಿಸಲು ಕಾವೇರಿ ನದಿಯಲ್ಲಿ ಅಸ್ಥಿ ವಿಸರ್ಜನೆ ಮಾಡುತ್ತಿದ್ದಾರೆ. ಕಾವೇರಿ ನದಿ ದಂಡೆಯಲ್ಲಿ ಕೊರೊನಾದಿಂದ ಮೃತಪಟ್ಟವರ ಅಂತಿಮ ಕರ್ಮಾಧಿ ವಿಧಿ ವಿಧಾನವನ್ನು ಶಾಸ್ತ್ರೋಕ್ತವಾಗಿ ನಡೆಸಿ ಅಸ್ಥಿ ವಿಸರ್ಜನೆಗೆ ಮುಂದಾಗಿದ್ದಾರೆ.

ಕೆಲ ಪುರೋಹಿತರು ಕೊರೊನಾದಿಂದ ಮೃತಪಟ್ಟವರ ಅಸ್ಥಿ ವಿಸರ್ಜನೆಗೆ ನಿರಾಕರಿಸುತ್ತಿದ್ದಾರೆ.