ಮಾಜಿ ಮುಖ್ಯಮಂತ್ರಿ ಹೆಚ್ಡಿ ಕುಮಾರಸ್ವಾಮಿ
ಮಂಡ್ಯ: ಮಂಡ್ಯ ಜಿಲ್ಲೆಯಲ್ಲಿ ಹೆಚ್ ಡಿ ಕುಮಾರಸ್ವಾಮಿ ಅವರ ನೇತೃತ್ವದಲ್ಲಿ ನಡೆಯುತ್ತಿರುವ ಪಂಚರತ್ನ ರಥಯಾತ್ರೆಯ ಐದನೇ ದಿನವಾದ ಇಂದು ಪಾಂಡವಪುರ ವಿಧಾನಸಭಾ ಕ್ಷೇತ್ರಕ್ಕೆ ಆಗಮಿಸಿದೆ. ಕಾವೇರಿ ಮಾತೆಗೆ ಪೂಜಿಸಲ್ಲಿಸಿ ರಥಯಾತ್ರೆ ಆರಂಭಗೊಂಡಿತು. ಕುಮಾರಸ್ವಾಮಿಯವರಿಗೆ ಸೇಬು ಹಣ್ಣಿನ ಹಾರ, ಭತ್ತದ ಹಾರದ ಮೂಲಕ ಪಾಂಡುಪುರ ಶಾಸಕ ಸಿ ಎಸ್ ಪುಟ್ಟರಾಜು ಅದ್ಧೂರಿಯಾಗಿ ಸ್ವಾಗತಿಸಿದರು.
ಹೆಲಿಕಾಪ್ಟರ್ ಮೂಲಕ ಹೂ ಮಳೆ:ಹೆಚ್ಡಿಕೆ ರಥವೇರುತ್ತಿದ್ದಂತೆ ಜೆಡಿಎಸ್ ಕಾರ್ಯಕರ್ತರು ಹರ್ಷದಿಂದ ಘೋಷಣೆ ಕೂಗಿದರು, ಇದೇ ಸಂದರ್ಭದಲ್ಲಿ ಹೆಲಿಕಾಪ್ಟರ್ ಮುಖಾಂತರ ಯಾತ್ರೆಯಲ್ಲಿ ಸೇರಿದ ಜನಸ್ತೋಮಕ್ಕೆ ಹೂ ಮಳೆ ಸುರಿಸಲಾಯಿತು.