ಕಬ್ಬಿನ ಬಾಕಿ ಕೊಡ್ಸಿ ಅಂದ್ರೆ, ಫ್ಯಾಕ್ಟ್ರಿ ನಮ್ಮಪ್ಪಂದಾ ಅಂದ್ರು ಸಚಿವ ತಮ್ಮಣ್ಣ

ಕಬ್ಬಿನ ಬಾಕಿ ಹಣ ಕೇಳಿದ ರೈತನಿಗೆ ಸಚಿವ ಡಿ.ಸಿ.ತಮ್ಮಣ್ಣ ಆವಾಜ್ ಹಾಕಿರುವ ವಿಡಿಯೋ ವೈರಲ್​​ ಆಗಿದೆ.

ಮಂಡ್ಯ:ಕಬ್ಬಿನ ಬಾಕಿ ಹಣ ಕೊಡಿಸಿ ಎಂದ ರೈತನಿಗೆ ಆವಾಜ್ ಹಾಕಿರುವ ಸಚಿವ ಡಿ.ಸಿ.ತಮ್ಮಣ್ಣ, ಕಬ್ಬಿನ ಹಣ ನಾನು ಕೊಡಿಸಬೇಕಾ? ಕಾರ್ಖಾನೆ ಏನು ನಮ್ಮಾಪ್ಪನದಾ ಎಂದು ಪ್ರತಿಕ್ರಿಯೆ ನೀಡಿರುವ ವಿಡಿಯೋವೊಂದು ವೈರಲ್​ ಆಗಿದೆ.

ಮದ್ದೂರು ತಾಲೂಕಿನ ಬಿದರಹಳ್ಳಿ ಗ್ರಾಮದಲ್ಲಿ ಪ್ರಚಾರದ ವೇಳೆ ಸಚಿವರು ಹೀಗೆ ಮಾತನಾಡಿದ್ದು, ಈಗ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

ಎಲ್ಲವನ್ನೂ ನಾನೇ ಮಾಡಿಸಬೇಕೆ? ಕಬ್ಬಿನ ಬಾಕಿ ಹಣ ಬಂದಿಲ್ಲ ಅಂದ್ರೆ ನಾನು ಕೊಡಬೇಕಾ? ಬೆಳೆಯನ್ನೇನಾದರೂ ನನ್ನ ಮನೆಗೆ ತಂದುಕೊಟ್ಟಿದ್ದಾ? ಎಂದು ರೈತನಿಗೆ ಏರು ಧ್ವನಿಯಲ್ಲಿ ಪ್ರಶ್ನಿಸಿದ್ದಾರೆ.