ಮಂಡ್ಯದಲ್ಲಿ ಒಂದೆಡೆ ಕೆರೆ ತುಂಬಿದ ಸಂತಸ, ಮತ್ತೊಂದೆಡೆ ನೀರಿಲ್ಲದೆ ಆತಂಕ...

ಮಂಡ್ಯದಲ್ಲಿ ಇತ್ತ ವಿಸಿ ನಾಲೆ ವ್ಯಾಪ್ತಿಯಲ್ಲಿ ಕೆರೆಗಳು ತುಂಬಿದ್ದರೆ, ಅತ್ತ ಹೇಮಾವತಿ ನಾಲೆ ಸೇರಿದಂತೆ ಕೆ.ಆರ್‌.ಪೇಟೆ, ಮೇಲುಕೋಟೆ, ನಾಗಮಂಗಲ, ಮಳವಳ್ಳಿ ತಾಲೂಕಿನ ಕೆರೆಗಳು ನೀರಿಲ್ಲದೆ ಒಣಗುತ್ತಿವೆ. ಈ ಮಳೆಯಲ್ಲಾದರೂ ಕೆರೆ ತುಂಬಬಹುದು ಎಂಬ ಖುಷಿಯಲ್ಲಿದ್ದ ರೈತರಿಗೆ ಆತಂಕ ಶುರುವಾಗಿದೆ.

ಮಂಡ್ಯ:ಜಿಲ್ಲೆಯ ಹಲವೆಡೆ ಕೆರೆಗಳು ಭರ್ತಿಯಾಗಿದ್ದು, ರೈತರು ವ್ಯವಸಾಯ ಆರಂಭ ಮಾಡಿದ್ದಾರೆ‌. ಆದರೆ ಇನ್ನೂ ಕೆಲವು ಕಡೆ ಮಳೆ ಬಂದರೂ ಕೆರೆಗಳು ತುಂಬದೇ ರೈತರು ಆತಂಕಗೊಂಡಿದ್ದಾರೆ.

ಕೆಆರ್​​ಎಸ್ ತುಂಬಿದರೆ ಸಾಕು ಜಿಲ್ಲೆಯ ಕೃಷಿ ಚಟುವಟಿಕೆಗಳು ವೇಗ ಪಡೆದುಕೊಳ್ಳುತ್ತವೆ. ಅಣೆಕಟ್ಟೆನಿಂದ ಕೆರೆಗಳಿಗೆ ನೀರು ಬಿಡುವುದರಿಂದ ಕೆರೆಗಳು ಭರ್ತಿಯಾಗಿ ಬಿತ್ತನೆ ಕಾರ್ಯವನ್ನು ರೈತರು ಪ್ರಾರಂಭಿಸುತ್ತಾರೆ. ವಿಸಿ ನಾಲೆ ವ್ಯಾಪ್ತಿಯ ಕೆರೆಗಳು ತುಂಬಿದ್ದು, ಕೆಲವು ಕೆರೆಗಳು ಕೋಡಿ ಬಿದ್ದು ಕೃಷಿಯ ಜೊತೆಗೆ ಮೀನು ಹಿಡಿಯುವುದರಲ್ಲಿ ರೈತರು ತಲ್ಲೀನರಾಗಿದ್ದಾರೆ. ಎಷ್ಟೋ ಕೆರೆಗಳು ತುಂಬಿ ಏರಿ ಹೊಡೆಯುವ ಹಂತಕ್ಕೂ ಬಂದಿವೆ.

ಇತ್ತ ವಿಸಿ ನಾಲೆ ವ್ಯಾಪ್ತಿಯಲ್ಲಿ ಕೆರೆಗಳು ತುಂಬಿದ್ದರೆ, ಅತ್ತ ಹೇಮಾವತಿ ನಾಲೆ ಸೇರಿದಂತೆ ಕೆ.ಆರ್‌.ಪೇಟೆ, ಮೇಲುಕೋಟೆ, ನಾಗಮಂಗಲ, ಮಳವಳ್ಳಿ ತಾಲೂಕಿನ ಕೆರೆಗಳು ನೀರಿಲ್ಲದೆ ಒಣಗುತ್ತಿವೆ. ಕೆರೆಗೆ ಬಿದ್ದ ಮಳೆ ನೀರು ಇಂಗಿ ಹೋಗುತ್ತಿದೆ. ಈ ಮಳೆಯಲ್ಲಾದರೂ ಕೆರೆ ತುಂಬಬಹುದು ಎಂಬ ಖುಷಿಯಲ್ಲಿದ್ದ ರೈತರಿಗೆ ಆತಂಕ ಶುರುವಾಗಿದೆ. ಸಮ್ಮಿಶ್ರ ಸರ್ಕಾರ ಕೇವಲ ಭರವಸೆಯಲ್ಲಿಯೇ ಕಾಲ ಕಳೆದಿದೆ, ಇನ್ನಾದರೂ ಯಡಿಯೂರಪ್ಪ ಸರ್ಕಾರ ಕೆರೆ ತುಂಬಿಸುವ ಕಾರ್ಯಕ್ಕೆ ಮುಂದಾಗಲಿ ಎಂದು ರೈತರು ಮನವಿ ಮಾಡುತ್ತಿದ್ದಾರೆ.