ಮಂಡ್ಯದಲ್ಲಿ ಕೊರೊನಾ ಉಲ್ಬಣ: ಐಸೋಲೇಷನ್ ವಾರ್ಡ್​ಗೆ ದಾಖಲಾಗಲು ಕ್ಯೂ

ಐಸೋಲೇಷನ್ ವಾರ್ಡ್​ಗೆ ದಾಖಲಾಗಲು ಸೋಂಕಿತರು ಸಾಲುಗಟ್ಟಿ ನಿಂತಿರುವುದು ಮಂಡ್ಯದಲ್ಲಿ ಕಂಡುಬಂದಿದೆ.

ಮಂಡ್ಯ: ಸಕ್ಕರೆ ನಾಡಿನಲ್ಲಿ ದಿನೇ ದಿನೇ ಕೋವಿಡ್ ಪ್ರಕರಣಗಳ ಸಂಖ್ಯೆ ಹೆಚ್ಚಾಗುತ್ತಿದ್ದು, ಮಿಮ್ಸ್ ಆಸ್ಪತ್ರೆಯ ಐಸೋಲೇಷನ್ ವಾರ್ಡ್​ಗೆ ಸೋಂಕಿತರು ದಾಖಲಾಗಲು ಸಾಲುಗಟ್ಟಿ ನಿಂತಿರುವುದು ಸೋವವಾರ ಕಂಡುಬಂದಿದೆ.

ಕೋವಿಡ್ ಸೋಂಕಿತರು ಆಸ್ಪತ್ರೆಗೆ ದಾಖಲಾಗಲು ಮುಗಿಬಿದ್ದಿರುವ ದೃಶ್ಯ ಮನಕಲಕುವಂತಿದೆ. ಐಸೋಲೇಷನ್ ವಾರ್ಡ್ ಬಳಿ ಸಾಮಾಜಿಕ ಅಂತರ ಮಾಯವಾಗಿದ್ದು, ಸೋಂಕಿತರು ಕಿಮೀ ಗಟ್ಟಲೆ ಸಾಲು ನಿಂತಿದ್ದರು.

ಆಸ್ಪತ್ರೆ ಸಿಬ್ಬಂದಿ ಪರಿಶೀಲನೆ ನಡೆಸಿ ಐಸೋಲೇಷನ್ ವಾರ್ಡ್​ಗೆ ಸೋಂಕಿತರನ್ನ ದಾಖಲಿಸಿಕೊಳ್ಳುತ್ತಿದ್ದಾರೆ. ಇನ್ನು ಮಿಮ್ಸ್​ನಲ್ಲಿ ಸೋಂಕಿತರಿಗೆ ಯಾವುದೇ ಮೂಲಭೂತ ಸೌಲಭ್ಯವಿಲ್ಲವೆಂದು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

ಐಸೋಲೇಷನ್ ಪಕ್ಕದಲ್ಲಿ ಹೆರಿಗೆ ವಾರ್ಡ್ ಇದ್ದರೂ ಸಹ ಸೋಂಕಿತರ ಓಡಾಟಕ್ಕೆ ಆಸ್ಪತ್ರೆ ಸಿಬ್ಬಂದಿ ಬ್ರೇಕ್ ಹಾಕಿಲ್ಲ.