ಕೆಆರ್​ಎಸ್‌ಗೆ ಎದುರಾಯ್ತ ಕಂಟಕ?: ಆ ನಿಗೂಢ ಸರಣಿ ಶಬ್ದಕ್ಕೆ ಹೆಚ್ಚಿದ ಆತಂಕ

ಸಕ್ಕರೆ ಜಿಲ್ಲೆಯ ಜೀವನಾಡಿ ಕೆಆರ್​ಎಸ್‌ಗೆ ಕಂಟಕ ಎದುರಾಗಿದೆಯಾ ಎಂಬ ಆತಂಕ ಮೂಡಿದ್ದು, ಕಳೆದ ಎರಡು ವರ್ಷಗಳಿಂದ ನಿಗೂಢವಾಗಿ ಬರುತ್ತಿರುವ ಆ ಶಬ್ದ ಇದಕ್ಕೆ ಪುಷ್ಟಿ ನೀಡುತ್ತಿದೆ. ಇಂದು ರಾತ್ರಿಯೂ ಸಹ ನಿಗೂಢ ಶಬ್ದಗಳು ಕೇಳಿದ್ದು, ರೈತರನ್ನು ಮತ್ತಷ್ಟು ಆತಂಕಕ್ಕೆ ಒಳಗಾಗಿಸಿದೆ.

ಮಂಡ್ಯ: ಸಕ್ಕರೆ ಜಿಲ್ಲೆಯ ಜೀವನಾಡಿ ಕೆಆರ್​ಎಸ್‌ಗೆ ಆತಂಕ ಎದುರಾಗಿದೆಯಾ ಎಂಬ ಆತಂಕ ಮೂಡಿದ್ದು, ಕಳೆದ ಎರಡು ವರ್ಷಗಳಿಂದ ನಿಗೂಢವಾಗಿ ಬರುತ್ತಿರುವ ಆ ಶಬ್ದ ಇದಕ್ಕೆ ಪುಷ್ಟಿ ನೀಡುತ್ತಿದೆ. ಇಂದು ರಾತ್ರಿಯೂ ಸಹ ನಿಗೂಢ ಶಬ್ದಗಳು ಕೇಳಿಸಿದ್ದು, ರೈತರನ್ನು ಮತ್ತಷ್ಟು ಆತಂಕಕ್ಕೆ ಒಳಗಾಗಿಸಿದೆ.

ಶ್ರೀರಂಗಪಟ್ಟಣ ತಾಲೂಕು ಕೃಷ್ಣರಾಜ ಅಣೆಕಟ್ಟೆ ಸುತ್ತಮುತ್ತ ಮತ್ತೆ ನಿಗೂಢ ಸರಣಿ ಶಬ್ದ ಕೇಳಿ ಬಂದಿದೆ. ಸುಮಾರು 5-7 ಸಲ ರಾತ್ರಿ ಸುಮಾರು 7.30 ರ ವೇಳೆಗೆ ಶಬ್ದ ಕೇಳಿ ಬಂದಿದೆ. ಈ ಶಬ್ದಗಳು ಸ್ಥಳೀಯರು, ಅಧಿಕಾರಿಗಳಲ್ಲಿಯೂ ಸಹ ಆತಂಕ ಮೂಡಿಸಿದೆ.

ಇನ್ನು ನಿಗೂಢ ಶಬ್ಧದ ಮೂಲ ಪತ್ತೆ ಮಾಡುವಲ್ಲಿ ಅಧಿಕಾರಿಗಳು ವಿಫಲರಾಗಿದ್ದಾರೆ. ಭೂಸ್ಥರದಲ್ಲಿನ ಬದಲಾವಣೆಯೋ ಅಥವಾ ಸುತ್ತಮುತ್ತ ನಡೆಯುತ್ತಿರುವ ಗಣಿಗಾರಿಕೆ ಸ್ಫೋಟದಿಂದ ಈ ಶಬ್ದ ಬರುತ್ತಿರುವುದೋ ಎಂಬುದು ಇನ್ನೂ ಪತ್ತೆಯಾಗಿಲ್ಲ.