ಮಂಡ್ಯ: ಪಾಂಡವಪುರ ತಾಲೂಕಿನ ಬೇಬಿಬೆಟ್ಟದ ಸರ್ವೇ ನಂ.1ರ ಕಲ್ಲು ಗಣಿಗಾರಿಕೆ ಪ್ರದೇಶದಲ್ಲಿದ್ದ ಸ್ಫೋಟಕ ವಸ್ತುಗಳನ್ನು ಟಾಸ್ಕ್‌ ಫೋರ್ಸ್ ತಂಡ ಹಾಗೂ ಪೊಲೀಸರು ವಶಕ್ಕೆ ಪಡೆದು, ಪ್ರಕರಣ ದಾಖಲಿಸಿಕೊಂಡಿದ್ದಾರೆ.
ಬೇಬಿಬೆಟ್ಟದ ಸರ್ವೇ ನಂ.1ರಲ್ಲಿನ ಬಂಡೆಯೊಂದರ ಬಳಿ ಬಿದ್ದಿದ್ದ 23 ಜಿಲೆಟಿನ್‌ ಟ್ಯೂಬ್‌ಗಳು, 7 ಪ್ಲಾಸ್ಟಿಕ್‌ ಟ್ಯೂಬ್‌ಗಳು, 10 ಡಿಟೋನೇಟರ್‌ಗಳು ಹಾಗೂ ಡಿಟೋನೇಟರ್‌ನ ತಂತಿಗಳನ್ನು ಸ್ಥಳೀಯರ ಸಹಕಾರದಿಂದ ವಶಕ್ಕೆ ಪಡೆದುಕೊಂಡಿದ್ದಾರೆ. ಪತ್ತೆಯಾದ ಸ್ಫೋಟಕಗಳನ್ನು ಮೆಗ್ಗರ್ ಬ್ಲಾಸ್ಟ್‌ಗೆ ಬಳಸಲಾಗುತ್ತಿತ್ತು ಎನ್ನಲಾಗ್ತಿದೆ. ಈ ಸ್ಫೋಟಕಗಳನ್ನು ಕಲ್ಲು ಗಣಿಗಾರಿಕೆಗಾಗಿ ಎಲ್ಲಿಂದಲೋ ತಂದು, ಇಲ್ಲಿ ಅಕ್ರಮವಾಗಿ ಸಂಗ್ರಹಿಸಿಡಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.