ಕೈ ನೋವು, ಪ್ರಚಾರ ನಿಲ್ಲಿಸಿದ ದರ್ಶನ್‌

ಕೈ ನೋವು ಕಾಡಿದ ಕಾರಣ ನಟ ದರ್ಶನ್ ಪ್ರಚಾರ ಕಾರ್ಯವನ್ನು ತಾತ್ಕಾಲಿಕವಾಗಿ ಮೊಟಕುಗೊಳಿಸಿ ವಾಪಸ್ ತೆರಳಿದರು.

ಮಂಡ್ಯ: ಪಕ್ಷೇತರ ಅಭ್ಯರ್ಥಿ ಸುಮಲತಾ ಅಂಬರೀಶ್ ಪರ ಮತಯಾಚನೆ ಮಾಡುತ್ತಿರುವನಟ ದರ್ಶನ್‌ಗೆ ಕೈ ನೋವು ಕಾಡಿದೆ. ಈ ಹಿನ್ನೆಲೆಯಲ್ಲಿ ಅವರು ಪ್ರಚಾರ ಕಾರ್ಯವನ್ನು ತಾತ್ಕಾಲಿಕವಾಗಿ ಸ್ಥಗಿತಗೊಳಿಸಿ ವಾಪಾಸ್‌ ತೆರಳಿದರು. ಮದ್ದೂರು ವಿಧಾನಸಭಾ ಕ್ಷೇತ್ರದಲ್ಲಿ ಸುಮಲತಾ ಪರ ಅವರು ಪ್ರಚಾರ ಕಾರ್ಯದಲ್ಲಿ ತೊಡಗಿದ್ದರು.

ಮದ್ದೂರು ತಾಲ್ಲೂಕಿನ ಕೆಸ್ತೂರು, ಮಾಚಹಳ್ಳಿ, ಕದಲೂರು, ಯರಗನಹಳ್ಳಿ ಗ್ರಾಮಗಳಲ್ಲಿ ಮತಬೇಟೆ ಮಾಡುವ ವೇಳೆ ದರ್ಶನ್‌ಗೆ ಕೈ ನೋವು ತೀವ್ರವಾಗಿ ಕಾಣಿಸಿಕೊಂಡಿದೆ.
ಈ ಸಂದರ್ಭದಲ್ಲಿ ಅವರು ಪ್ರಚಾರವನ್ನು ಅರ್ಧದಲ್ಲೇ ನಿಲ್ಲಿಸಿ ತುಮಕೂರು ಜಿಲ್ಲೆಯ ಹುಲಿಯೂರು ದುರ್ಗಕ್ಕೆ ತೆರಳಿದ್ದಾರೆ.

ದರ್ಶನ್ ಅಭಿಮಾನಿ ಸಂಘದ ಅಧ್ಯಕ್ಷರು ಅಭಿಮಾನಿಗಳು ಹಾಗೂ ಜನರನ್ನ ಸಮಾಧಾನ ಪಡಿಸಿದ್ದು, ಉಳಿದ ಗ್ರಾಮಗಳಲ್ಲಿ ಸುಮಲತಾ ಪರ ಪ್ರಚಾರ ಮಾಡಲು ದರ್ಶನ್ ಸಂಜೆ ವೇಳೆಗೆ ಮತ್ತೆ ಬರಲಿದ್ದಾರೆ ಎಂದು ಹೇಳಲಾಗಿದೆ.