ಮಂಡ್ಯಕ್ಕೆ ಕಾಲಿಟ್ಟ ಸರಗಳ್ಳರ ಗ್ಯಾಂಗ್... ಒಂದೇ ದಿನ 2 ಅಟ್ಯಾಕ್​, ನಕಲಿ ಸರ ಅಪರಹರಿಸಿದ ಕಳ್ಳರು

ಒಂಟಿ ಮಹಿಳೆಯರನ್ನು ಟಾರ್ಗೆಟ್ ಮಾಡುತ್ತಿರುವ ಕಿರಾತಕರ ತಂಡ ಮಂಡ್ಯ ಜಿಲ್ಲೆಗೆ ಕಾಲಿಟ್ಟಿದೆ. ಇಬ್ಬರು ಮಹಿಳೆಯರ ಮೇಲೆ ಹಲ್ಲೆ ಮಾಡಿ ಸರಗಳ್ಳತನ ಮಾಡಲಾಗಿದೆ.

ಮಂಡ್ಯ:ಒಂದೇ ದಿನ ಇಬ್ಬರು ಮಹಿಳೆಯರ ಮೇಲೆ ಹಲ್ಲೆ ನಡೆಸಿ ಸರಗಳ್ಳತನ ಮಾಡಿದ ಎರಡು ಪ್ರಕರಣಗಳು ಪಾಂಡವಪುರ ತಾಲೂಕಿನಲ್ಲಿ ನಡೆದಿದೆ.

ಹರಳಹಳ್ಳಿಯ ಬೆವನಕುಪ್ಪೆ ಗ್ರಾಮದ ಜ್ಯೋತಿ(34) ಎಂಬವರ ಮೇಲೆ ಹಲ್ಲೆ ಮಾಡಿ ನಕಲಿ ಸರವನ್ನು ಕಿತ್ತುಕೊಂಡು ಪರಾರಿಯಾಗಿದ್ದಾರೆ. ಹರಳಹಳ್ಳಿ ಗ್ರಾಮದ ಕಬ್ಬಿನ ಗದ್ದೆಯಲ್ಲಿ ಅರೆಪ್ರಜ್ಞಾ ವಸ್ತೆಯಲ್ಲಿ ಜ್ಯೋತಿ ಪತ್ತೆಯಾಗಿದ್ದು, ಬೈಕ್‌ನಲ್ಲಿ ಬಂದ ಅಪರಿಚಿತ ವ್ಯಕ್ತಿಗಳು ಕೃತ್ಯ ಮಾಡಿರಬಹುದು ಎಂದು ಶಂಕಿಸಲಾಗಿದೆ. ಗಂಭೀರವಾಗಿ ಗಾಯಗೊಂಡಿರುವ ಜ್ಯೋತಿಗೆ ಮೈಸೂರಿನ‌ ಕೆ.ಆರ್‌. ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ.

ಇನ್ನು ಇಂತಹದ್ದೇ ಘಟನೆ ಪಾಂಡವಪುರದಲ್ಲಿ ನಡೆದಿತ್ತು. ರೇಣುಕಮ್ಮ ಎಂಬವರ ಮೇಲೆ ಹಲ್ಲೆ ಮಾಡಿ ಸರಗಳ್ಳತನ ಮಾಡಲಾಗಿತ್ತು. ಈ ಸಂಬಂಧ ಪಾಂಡವಪುರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.